Ayubu 23:14 - ÎVUKU RÎA ÛVORO MWARO

¹⁴ Ke nîavingagia ûrîa amvangîrîte, na arî na mîvango mîîngî ta îo meciriarî make.

Ayubu 23:14 ပူးပေါင်းရင်းမြစ်များ

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Ayubu 23:13

Ngai ndagarûrûkaga na ndagarûragwa, ekaga ûrîa ke mwene akwenda.

Ayubu 23:15

Kwoguo nîrî mbere yake nîndetetemaga nî guoya, na neciria ûvoro wake nînyitagwa nî guoya.

Ayubu 7:3

Kwoguo nîrî mûvangîre mîeri ya kwona mathîna, wa ûtukû ndaraga na kîeva.

Thaburi 77:19

We nîwathiîrîre îriarî; nîwavîtûkîrîre îriarî kûrîa kûriku, nwatî makinyo maku mationeka.

Thaburi 97:2

Matu na nduma nene nîimûthiûrûrûkîrîtie; athanaga na ûthingu na kîvooto.

Mika 6:9

Ngai-Mûnene nî areta andû arîa matûûraga îtûûrarî na nîkwagîrîrîte mwîtigîre rîîtwa rîake; ke arauga atîrî: Tathikîrîriani mue mûgomanîte îtûûrarî!

Aroma 11:33

Na kaî ûtonga wa Ngai nî mûnene-î! Na kaî ûûgî wake na ûmenyo nî mûrikîru-î! Nû ûngîtaarîria matua make? Nû ûngîmenya njîra ciake?

1Ath 3:3

nîguo gûtikagîe mûndû wana ûmwe wa cienyu ûgûcoka na vuva nîûndû wa mînyamaaro îno. Mue ene nîmwîcî atî mînyamaaro ta îo nî gîcunjî kîmwe Kîam wendi wa Ngai kûrî tue.

1Ath 5:9

Ngai ndaatûthuura nîguo atûverithie nîûndû wa kûmûrakaria, nwatî aatûthuurire nîguo tûgîe na ûvonokio na njîra ya Mwathani wetû Jesû Kristû.

1Pet 2:8

Mandîko matheru maugîte atî: “Îthiga rîîrî rîtûmaga andû mavîngwe, rûciara rûrîa rûtûmaga magwe.” Mavîngagwa nîûndû matiathîkagîra ciugo cia Ngai. Ûcio nîguo warî wendi wa Ngai kûrî o.