Ayubu 23:13 - ÎVUKU RÎA ÛVORO MWARO

¹³ Ngai ndagarûrûkaga na ndagarûragwa, ekaga ûrîa ke mwene akwenda.

Ayubu 23:13 ပူးပေါင်းရင်းမြစ်များ

Ayubu 10:13

Nwatî wîthîrîtwe ûthithîte maûndû mama monthe ngororî yaku, na nîmbicî nîwavangîte kûmbîka maûndû mau monthe.

Ayubu 10:7

We nîwicî atî ndirî mwîviu, na atî gûtirî mûndû ûngîndethûra kuuma kûrî we.

Ayubu 11:10

Ethîrwa Ngai nwa anyite mûndû na amuikie njeera na amûthitange, nû ûngîmûrigîrîria?

Ayubu 12:14

Ngai angîomomora kûndû, gûtirî mûndû ûngîtuma rîngî; angîvingîra mûndû, gûtirî mûndû ûngîmûvingûrîra.

Ayubu 23:12

Ndianatiga kûrûmîrîra maathani make, ciugo ciake nîcigîte ngororî yakwa.

Ayubu 23:14

Ke nîavingagia ûrîa amvangîrîte, na arî na mîvango mîîngî ta îo meciriarî make.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Thaburi 135:6

Ûrîa wonthe Ngai-Mûnene endaga gwîka nîekaga, îgûrû wana nthî, mariarî wana kûrîa kuonthe kûriku mûno.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Mûvunjia 1:15

Kîndû kîthugaru gîtingîrûngwa, na indo itarî vo itingîtarwa.

Mûvunjia 3:14

Nîmbicî atî maûndû monthe marîa Ngai ekaga matûûraga tene na tene. Gûtirî kîndû kîngîongererwa kana kîrutarutwe kuuma kûrî maûndû mau. Ngai atûmîte maûndû mau mekare ûguo nîguo andû mamûtîîaga.

Isaia 46:10

Nînie managîrîra maûndû ma mûthiia kuuma Kîammbîrîria; na ngaumbûra maûndû marîa matanekwa kuuma tene, ngiugaga atî mworoto wakwa nîûkaavinga, na nîngaavingia mîvango yakwa yonthe.

Isaia 46:11

Nîngeta mûndû kuuma mwena wa îrathîro; mûndû kuuma vûrûri wî kûraca, nîguo eke maûndû marîa mbîrîgîrîrîte gwîka. Nînie mbugîte ûguo na nîngaavingia; nînie mvangîte ûguo na nîngeka guo.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Aroma 9:19

Ûmwe gatagatîrî kenyu nî agaacoka ambûrie atîrî, “Ethîrwa ûguo nîguo Ngai ekaga angîvota atîa gûtua atî mûndû nî wîvîtie? Nû ûngîregana na wendi wa Ngai?”

Jakuvu 1:17

Gîîko wa kîonthe Kîamro na kîveo wa kîonthe gîkinyanîru kiumaga îgûrû. Kînyûrûrûkaga kiumîte kûrî Ngai mûmbi wa motheri ma îgûrû, ûrîa ûtagarûrûkaga ta iruru cia motheri ma îgûrû.