Ayubu 22:27 - ÎVUKU RÎA ÛVORO MWARO

²⁷ Ûkamûvoyaga nake agakwîgua, nawe ûkavingagia mîvîtwa yaku.

Ayubu 22:27 ပူးပေါင်းရင်းမြစ်များ

2Atha 13:4

Jehoahazi nîwacokire akîvoya Ngai-Mûnene. Nake Ngai-Mûnene nîwegwire mavoya make, nîûndû nîwonire ûrîa mûthamaki wa Sîria aavinyîrîrîtie andû a Isiraeli.

1Maû 4:10

Nwatî Jabezi nîwavoire Ngai wa Isiraeli akiuga atîrî, “Ngai ndathima na ûnenevie mîvaka ya vûrûri wakwa. Îthagîrwa ûrî vamwe nanie na ûngitagîre kuuma kûrî ûndû wonthe mûcûku ûrîa ûngîtûma mbîthîrwe na ûrûrû.” Ngai Nîwamûvere kîrîa aavoire.

2Maû 33:13

Ngai nîwegwire mavoya make na akîmwîguîrîra ntha. Kwoguo Ngai-Mûnene nîwamûvotithirie gûcoka Jerusalemu, ûthamakirî wake. Ûndû ûcio nîwatûmire Manase amenya atî Ngai-Mûnene, nî Ngai.

Ayubu 11:13

“Ayubu, ûngîagîria ngoro yaku, nwa wambararie njara yaku ûkavoya Ngai.

Ayubu 27:10

Mûndû mwaganu ndangîkena arî mbere ya Ngai mwene vinya wonthe; ndangîvota gûtûûra avoyaga Ngai.

Ayubu 33:26

Rîrîa mûndû ûcio avoya, Ngai nîamwîgucaga, nîagocaga Ngai akenete, nake Ngai nîatûmaga maûndû make mavue.

Ayubu 34:28

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.

Ayubu 8:6

ethîrwa ûrî mûtheru ngoro na wî mûthingu, nama Ngai nîagaaûka na agûtethie, na akûve gwa gûtûûra kûrîa gûkwagîrîrîte.

Thaburi 116:1

Nîmendete Ngai-Mûnene nîûndû nîambîgucaga, nîathikagîrîria mavoya makwa.

Thaburi 116:14

Nîngaavingia mîvîtwa yakwa kûrî Ngai-Mûnene, andû ake onthe marî vo.

Thaburi 56:12

We Ngai, nîngaakûrutîra kîrîa naakwîrîre; nîngaakûrutîra matega ma gûgûcokeria ngatho.

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Thaburi 91:15

Rîrîa akaambîta nîngaamwîtîka; nîngethîrwa nake arî thînarî; nîngaamûvonokia na ndûme atîîke.

Mûvunjia 5:4

Rîrîa werîra Ngai ûndû na mwîvîtwa vingagia ûndû ûcio narua, nîûndû Ngai ndakenagua nî irimû. Vingagia ûrîa wîranîrîte.

Isaia 58:9

Vîndî îo mûkaavoyaga, nanie Ngai-Mûnene ngegua mavoya menyu. Mûkaambîtaga, nanie ngamwîtîka. “Mûngîtiga gûkinyanîrîria, na mûtigane na rûthûro rwa mîthemba yonthe, na mûtigane na mîario yonthe mîcûku;

Jeremia 29:12

Nîmûgaacoka mûmbîte, na mûmvoe na nîngamûthikîrîria.

Jona 2:9

Nwatî nîngaakuinîra nyîmbo cia gûgûkumia; nîngaakûrutîra îgongoona, na mvingie ûrîa mbîranîrîte na mwîvîtwa. Ngai-Mûnene nîke ûvonokanagia!”

Gûco 23:21

“Rîrîa werîra Ngai-Mûnene, Ngai waku ûndû na mwîvîtwa, ndûkarege kûûvingia; nîûndû Ngai-Mûnene, Ngai waku nîakenda ûvingie ûndû ûcio, na nî wîvia kûrega kûûvingia.