Ayubu 21:19 - ÎVUKU RÎA ÛVORO MWARO

¹⁹ Uugaga atî Ngai averithagia ciana nîûndû wa waganu wa methe. Naarî! Tiga Ngai amaverithie o ene nîguo mamenye mevia mao.

Ayubu 21:19 ပူးပေါင်းရင်းမြစ်များ

Kîam 4:7

Ethîrwa nîûrekîte ûndû mwaro, ûngîrî mûkenu; nwatî nîûndû wîkîte ûndû mûcûku, mevia marî mûrangorî makîenda gûkwatha, nwatî nwanginya ûmatorie.”

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

Ayubu 22:24

ûngîta ûtonga waku, wikie thaavu ya Ofiri mathigarî kûrîa gûtarî na rûnjî,

Thaburi 54:5

Ngai nîagaatûma nthû ciakwa icokererwe nî waganu wao o ene, na amathirie nîûndû wa wîvokeku wake.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Isaia 14:21

Îîvarîrieni kûûraga ciana ciake nîûndû wa mavîtia ma methe mao, nîguo matigacoke kwatha nthî, na mamîcûrie matûûra mao.”

Jeremia 31:29

Vîndî îo andû matikaauga atî, ‘Methe mao nîmarîte thavibu ndûrû, na magego ma ciana ciao nîmagîte ngirira.’

Ezek 18:14

“Nwatî mûndû ûcio angîciara mwanake na oone mevia marîa îthe ekîte, na agetigîra na akîrega gwîka ta ûrîa îthe ekaga,

Ezek 18:2

“Mwîthagîrwa mûkiuga atîa rîrîa mûkûgweta nthimo îno îgûrû rîgiî vûrûri wa Isiraeli mûkiuga atî, ‘Methe ma ciana maarîre thavibu irî mbîthî namo magego ma ciana makîgîa ngirira?’

Malaki 3:18

Namue nîmûkoona ngûrani ya mûndû ûrîa mûthingu na mûndû ûrîa mwaganu; na mûmenye ngûrani ya mûndû ûrîa ûtungatagîra Ngai, na ûrîa ûtamûtungatagîra.”

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Aroma 2:5

Nwatî we ûrî na ngoro nyûmû na nîûregete kwîrira. Kwoguo nîûreîngîvîria îvera rîaku rîrîa rîgaakinya mûthenya ûrîa marakara ma Ngai na îtua rîake rîa ma rîkaguûranîrua.

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.

Gûco 32:34

“Ngai-Mûnene augîte atîrî, Nîmvangîte ûrîa ngwîka andû a Isiraeli na nthû ciao, nwanie mbîcî ûrîa mvangîte gwîka.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

Kûguû 18:6

Mwîke wata ûrîa ke agwîkîte, mûrîve maita maîrî ma ûrîa ke aagwîkire. Îcûria gîkombe gîake ndivei ndûrû maita maîrî ma îrîa ke amûthondekerete.