Ayubu 20:25 - ÎVUKU RÎA ÛVORO MWARO

²⁵ Mûguî ûkamûratha ûtûrîkanie mwîrî wake, nako kamûthiia ka guo karîa kavenavenagia kaumîrîre îtemoorî, ona ûguo agecûrwa nî kîmako.

Ayubu 20:25 ပူးပေါင်းရင်းမြစ်များ

2Sam 18:14

Joabu nîwaugire atîrî, “Ndigûtinda ngîta mathaa nawe rîngî.” Nîwacokire agîoca matumû mathatû, akîmaikia na makîmunda Abusalomu kîthûrirî acurîte vau mûtîrî wa mûvuru wa arî mwoyo.

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Ayubu 16:13

Ambikagia mîguî na mbarî cionthe, mîguî îrîa îîmundaga îgatûrîkania ndûndî, na akamunda îtema ndûrû îgetîka nthî.

Ayubu 18:11

Athiûrûrîkîrîtue nî maûndû ma kûmwîkîra guoya, marûmanagîrîra nake îkinyo gwa îkinyo.

Ayubu 18:14

Aarutirwe nyomba îrîa aatwîre evokete, akîvirwa mbere ya mûthamaki wîtagwa gîkuû.

Ayubu 27:20

Guoya ûmûthithûkagîra ta mwîcûro wa manjî, na ûtukû agakuua nî rûkûngi rûnene.

Ayubu 6:4

Nîrî mûmunde nî mîguî ya Ngai mwene vinya wonthe, na ûvai wayo wîcûrîte mwîrî wakwa wonthe. Maûndû marî na guoya kuuma kûrî Ngai nîmanginyîrîte.

Thaburi 7:12

Andû mangîrega gûcenjia mîtugo yao, Ngai nîakaanoora rûviû rwake; nîakagucia ûta wake evarîrîtie kûratha.

Thaburi 73:19

Macûkangagua wa rîmwe; mathiragua nî imaûndû cia kûmakania.

Thaburi 88:15

Kuuma nîrî mûnini ndwîre nthînîkaga na ngakuvîvîria gûkua, nî nthînîkîte na ngathira vinya viû nîûndû wa îverithia rîaku.

2Akor 5:11

Tue nîtwîcî gwîtigîra Mwathani, kwoguo nîtûgeragia kûringîrîria andû arîa engî. Ngai nîatwicî viû, nanie ngwîvoka atî ngororî cienyu wananie nîmûmbîcî.

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.