Ayubu 20:19 - ÎVUKU RÎA ÛVORO MWARO

¹⁹ nîûndû nîwavinyîrîrie ngîa na akîmatiganîria, na agîtava nyomba ataatumîte.

Ayubu 20:19 ပူးပေါင်းရင်းမြစ်များ

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

Ayubu 18:15

Nyomba yake rîu îtûûragwa nî andû engî, na kûu atûûraga gûakanaga ûviriti.

Ayubu 22:6

Rîrîa wetirie umithio kuuma kûrî aa mûrwanyûkwe, nîkwa wamûrutire nguo agîtigwa arî njaga.

Ayubu 35:9

“Rîrîa andû mavinyîrîrua mûno nîmarîraga, nîmetagia ûtethio nîûndû wa kûvinyîrîrua nî arîa marî vinya,

Thaburi 10:18

nîûthikagîrîria kîrîro gîa ciana cia ngoriai na arîa avinyîrîrie, nîguo andû a nthî matikaamaretere kîmako rîngî.

Thaburi 12:5

Nwatî Ngai-Mûnene augîte atîrî, “Nîûndû andû arîa athîni nîavinyîrîrie, na andû arîa manyamaragua nî maracaa, nîngûmava ûgitîri ûrîa meriragîria.”

Thaburi 12:6

Ciîranîro cia Ngai-Mûnene nî cia kwîvokeka, nî ntheru ta sîlûva îtheretue na mwaki, îtheretue na mwaki maita mûgwanja.

Nthi 14:31

Mûndû ûrîa ûvinyagîrîria athîni nîarumaga Ngai ûrîa wamaûmbire, nwatî mûndû ûrîa wîgucagîra athîni ntha nîakumagia Ngai.

Mûvunjia 4:1

Nînacokire ngîona maûndû monthe matarî ma kîvooto marîa mekagwa gûkû nthî. Andû arîa avinyîrîrie nwakwa maarîraga na gûtiarî mûndû wa kûmavoreria. Andû arîa maamavinyagîrîria maarî na vinya na gûtirî mûndû ûngîavorerie arîa maavinyagîrîrua.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Maca 3:34

Ngai-Mûnene nîamenyaga rîrîa arîa oove, maravinyîrîrua na makanyamarua marî njeera.

Ezek 22:29

Andû onthe a vûrûri nîmacunanaga na makaîa na vinya. Nîmanyariraga athîni na ngîa, na makavinyîrîria ageni vatarî kîvooto.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 5:12

Nîmbîcî ûrîa mavîtia menyu marî meengî na ngamenya ûrîa mwîkîte maûndû meengî macûku. Mûnyariraga andû arîa aro, mûkamûkîra mavaki na mûkagirîrîria ngîa ituîrwa na kîvooto îgootirî.

Mika 2:2

Meriragîria mîgûnda, makathiî na makamîoca; meriragîria nyomba, makathiî na magacioca; mavinyagîrîria mûndû na andû a mûciî wake, na magacuuna andû indo ciao.

Mika 2:9

Mûvinyûragia aka a andû akwa, kuuma nyombarî ciao irîa mbaro, na nîmûgirîtie ciana ciao ikinyîrwa nî irathimo ciakwa tene na tene.

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Jakuvu 2:6

Nwatî mûtitîîaga arîa athîni. Na kinthî itonga tîcio imûkinyagîrîria? Na kinthî twacio imûviraga îgootirî?

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.