Ayubu 2:8 - ÎVUKU RÎA ÛVORO MWARO

⁸ Ayubu nîwocire rûgîo na akîambîrîria kwîthûa ironda naruo ekarîte vandû mûurî.

Ayubu 2:8 ပူးပေါင်းရင်းမြစ်များ

2Sam 13:19

Tamarû nîweîtîrîrie mûu kîongorî gîake, agîtembûranga nguo îo yake ndaca, agîcoka akîîmika ûthiû wake na njara na akîthiî akîrîraga.

Esita 4:1

Rîrîa Moridekai aamenyire ûrîa maûndû mau mekariî, nîwatembûrangire nguo ciake, na agîkîra nguo cia macakaya na akîivaka mûu. Nîwaumagarûkire na kûu îtûûrarî akîrîraga na arî na ûrûrû mwîngî.

Esita 4:3

Kûndû kuonthe vûrûrirî kûrîa ndûmîrîri na watho wa mûthamaki ciamûkîrwe, nîkwagîre na kîeva kînene. Nîmenyerekirie, makîrîra na magîkîra nguo cia macakaya na makîîvaka mûu.

Ayubu 2:9

Nake mûka nîwamwîrire atîrî, “Anga nginya rîu wîthîrîtwe ûrî mwîvokeku? Nîkwa ûtangîruma Ngai nîguo ûkue?”

Ayubu 42:6

Kwoguo, nîngûvera ngîvakaga rûkûngû na mûu, nîreyonaga nîrî kîndû Kîam mana.”

Thaburi 38:5

Ironda ciakwa nîiranunga nîûndû nî mboru, nîûndû wa ûrimû wakwa.

Thaburi 38:7

Mwîrî wakwa wonthe wîcûrîtwe nî ruuo na nîrîmûrwaru mûno.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 6:26

Ngai-Mûnene arauga atîrî, “Îkîrani nguo cia macakaya mue andû akwa, na mwîgaragarie mûurî, cakayani mûrî na ûrûrû, ta mûndû agîcakaîra mûvîcî wa kîmomwe, nîûndû nthû îgaûka kûmûthiria wa rîmwe.

Ezek 27:30

Nîmagacakaya maugîrîrîtie nîûndû waku, na marîre marî na ûrûrû mwîngî ngororî. Nîmakeminjîria rûkûngû ciongorî ciao, na megaragarie mûurî.

Jona 3:6

Rîrîa mûthamaki wa Nineve eegwire ûguo, nîwaûkîrire na akiuma gîtîrî gîake Kîam ûthamaki, akîruta nguo yake ya ûthamaki na agîkîra nguo ya macakaya na agîkara nthî mûurî.

Mathaayo 11:21

“Na kaî mue andû a Korazini mûrî na thîna-î, wanamue andû a Bethisaida kaî mûrî na thîna-î! Nîûndû ciama irîa ciaringîîrwe kwenyu ingîaringirwe Turo na Sidoni, andû a kuo nîmangîeririre mevia mao tene. Nao nîmangîekîrire nguo ciao cia macakaya na makeminjîria mûu nîguo moonanie atî nîmerira mevia mao.