Ayubu 2:4 - ÎVUKU RÎA ÛVORO MWARO

⁴ Nake Caitani nîwacokerie Ngai-Mûnene atîrî, “Gîkonde Kîam mwîrî gîkûûragwa na kîngî! Mûndû avecanaga kîrîa kîonthe arî nakîo nîguo avonokie mwoyo wake.

Ayubu 2:4 ပူးပေါင်းရင်းမြစ်များ

Kîam 47:17

Nao nîmaaretere Josefu ndîthia yao. Nîmaakûrananirie irio na mbarathi, ng'ondu, mbûri, ng'ombe na mvunda. Mwaka ûcio wonthe Josefu nîwamakûrananîrie irio na ndîthia ciao cionthe.

Kîam 47:19

Tue wana mîgûnda yetû tûngîkua atîa ûroretie? Tûgûre vamwe na mîgûnda yetû nawe ûtûvecage irio. Nîtûgûtuîka ngombo cia mûthamaki wana mîgûnda yetû îtuîke yake. Tûve irio cia kûrîa na ûtûve mbeû ya kûvanda mîgûndarî yetû nîguo tûtigakue vûrûri ûtigwa ûrî mûtheri.”

1Atha 20:31

Ndungata ciake nîciamwîrire atîrî, “Nîtwîguîte atî athamaki a Isiraeli marî ntha. Twîtîkîrie twîrigice nguo cia macakaya ciûnorî cietû na twîrigice mîkanda ngingorî cietû tûthiî kûrî mûthamaki wa Isiraeli, avota kûrega gûkûûraga.”

Ayubu 2:3

Ngai-Mûnene nîwaûririe Caitani atîrî, “Wî mûmoneru ndungata yakwa Ayubu? Gûtirî mûndû gûkû nthî mwaro na mwîvoke ta Ayubu. Nîanîtigîrîte na nîethemaga maûndû macûku. We nîwaningîrîrie ngwîtîkîrie ûmûtharîkîre gûtarî na ûndû mûcûku ekîte, nwatî Ayubu atûûrîte arî mwîvokeku.”

Ayubu 2:5

Nwatî rîu ta vutia mwîrî wake na wone nîakûruma wa ûmûroretie.”

Nthi 13:8

Gîtonga gîtûmagîra ûtonga wakîo kûgitîra mwoyo wakîo, nwatî mûthîni ndarî kîndû angîgitîra mwoyo wake nakîo.

Jeremia 41:8

Nwatî gatagatî ka andû acio vaarî na arûme îkûmi arîa merire Ishumaeli atîrî, “Ndugatûrage nîûndû tûrî na ngano, cairi, maguta na ûûkî tûthithîte mîgûndarî.” Kwoguo Ishumaeli ndaamaûraga.

Mathaayo 16:26

Kûrî umithio ûrîkû wa mûndû kûgîa na ûtonga wa nthî yonthe nwatî acoke aûrwe nî mwoyo wake? Gûtirî kîndû wana kîmwe mûndû angîkûûranania mwoyo wake nakîo.

Mathaayo 6:25

“Kwoguo nîramwîra mûtigatangîke ngororî nîûndû wa kîrîa mûkûrîa kana mûkûnyua nîguo mûtûûre, kana mûtangîke nîûndû wa nguo irîa mûgwîkîra. Na kinthî mwoyo ndûrî vata gûkîra irio? Wana kinthî mwîrî ndûrî vata gûkîra nguo?

Luka 12:23

Nîramwîra ûguo nîûndû mwoyo ûrî vata mûno gûkîra irio, naguo mwîrî ûrî vata mûno gûkîra nguo.

Josh 9:24

Nao nîmaacokerie Joshua atîrî, “Twekire ûguo nîûndû nîtwamenyete nama atî Ngai-Mûnene, Ngai wenyu nîwathîte ndungata yake Musa atî aûrage andû onthe arîa matûûraga vûrûrirî ûyû na atî nîakaamûva guo ûtuîke wenyu. Kwoguo nîtwetigîre na nîkîo gîatûmire twîka ûguo.