Ayubu 2:12 - ÎVUKU RÎA ÛVORO MWARO

¹² Na marî varaca nîmoonire Ayubu nwatî matiamûmenya. Nwatî rîrîa mamûmenyire nîmaatumûkire na kîrîro. Nîmatembûrangire nguo ciao na magikia mûu na îgûrû ûkîgûcaga ciongorî ciao.

Ayubu 2:12 ပူးပေါင်းရင်းမြစ်များ

Kîam 27:34

Rîrîra Esaû eegwire ûguo nîwarîrire augîrîrîtie na marakara akiugaga “Ûûi Vava, wa nanie ndathima!”

2Sam 13:36

Nake arîkia kuga ûguo, anake a Daudi nîmaakinyire na makîambîrîria kûrîra maugîrîtie. Nake Daudi na ndungata ciake cionthe nîmaarîrire mûno.

Ezira 9:3

Rîrîa neguire ûguo, nînatembûrangire nguo ciakwa, ngîkûûra njuîrî cia kîongo na nderu nîûndû wa kûthirwa nî mwîvoko na ngîkara nthî nîrî na kîeva.

Nehemia 9:1

Mûthenya wa mîrongo îîrî na îna wa mweri wa ûcio andû a Isiraeli nîmaagomanire vamwe. Nîmeenyerekirie na magîkîra nguo cia macakaya na makîîminjîria rûkûngû ciongorî ciao.

Esita 4:1

Rîrîa Moridekai aamenyire ûrîa maûndû mau mekariî, nîwatembûrangire nguo ciake, na agîkîra nguo cia macakaya na akîivaka mûu. Nîwaumagarûkire na kûu îtûûrarî akîrîraga na arî na ûrûrû mwîngî.

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Ayubu 19:14

Andû etû na arata akwa matirandethia.

Maca 2:10

Athuuri a Jerusalemu mekaraga nthî makirîte, makeminjîria mûu ciongorî ciao mekîrîte nguo cia macakaya, na erîtu a Jerusalemu nîmaturumithîtie mothiû mao nthî.

Ezek 27:30

Nîmagacakaya maugîrîrîtie nîûndû waku, na marîre marî na ûrûrû mwîngî ngororî. Nîmakeminjîria rûkûngû ciongorî ciao, na megaragarie mûurî.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

Kûguû 18:19

Nao nîmaaminjîrie ciongo ciao rûkûngû, na nîmaarîrire marî na kîeva makiugaga atîrî, “Uui, Uui! Îtûûra rîrîa rînene kûrîa andû onthe arîa marî meri maatongerete! Na kavinda ka îthaa rîmwe nîrîaûrwa nî indo cionthe!”

Atir 2:4

Rîrîa mûraika wa Ngai-Mûnene aarîkirie kûvecana ûvoro ûcio, andû onthe a Isiraeli nîmaambîrîrie kûrîra maugîrîrîtie.

1Sam 11:4

Na rîrîa anjaama acio maakinyire kûu Gibea, kûrîa Saûlo aatûûraga na makîva andû ûvoro ûcio, andû onthe nîkwa maambîrîrie kûrîra nîûndû wa kîeva.

1Sam 30:4

Daudi na andû ake nîmaambîrîrie kûrîra nginya makathirîrwa nî vinya.

1Sam 4:12

Nake mûthuuri ûmwe wa kuuma mûvîrîgarî wa Benjamini, nîwaumire kûrîa mbaara yarî, akîthiî avinyûrîte na agîkinya Shilo mûthenya wa ûcio. Mûthuuri ûcio nîwatembûrangîte nguo ciake na ageîtîrîria mûthetu kîongo, rûrî rûûri rwa kwonania ûrîa aarî na kîeva.