Ayubu 2:10 - ÎVUKU RÎA ÛVORO MWARO

¹⁰ Ayubu nîwacokirie atîrî, “We ûraria ta aka arîa aritu! Ethîrwa nîtwamûkagîra indo mbaro kuuma kûrî Ngai-Mûnene, na kinthî tûtiagîrîrwe nî kwamûkîra wana nginya maûndû macûku kuuma kûrî ke?” Wana Ayubu acemania na mathîna mau monthe, ke ndaaruma Ngai.

Ayubu 2:10 ပူးပေါင်းရင်းမြစ်များ

Kîam 3:17

Nake Ngai-Mûnene, Ngai nîwerire Adamu atîrî, “Nîûndû wa kûthikîrîria mûkaguo, na warîa matunda ma mûtî ûrîa nagûkaanirie ndûkarîe, nthî nîîkûnyitwa nî kîrumi nîûndû waku. We ûkonaga irio cia kûrîa kuuma nthî na njîra ya mînoga.

2Sam 13:13

Nie ndingîvota kûthiî nîûndû wa nthoni. We nawe nî wîthîrwa ûconorithîtue Isiraeli kuonthe. Nakûthaitha tu warie na mûthamaki, na nîrî na ma atî nîakûmvecana kûrî we.”

2Sam 19:22

Nwatî Daudi nîwerire Abishai na mûrwang'ina Joabu atîrî, “Nî ûrîkû ûmûûririe woni wenyu? Mûrenda kûnthînia nîkî? Nînie mûthamaki wa Isiraeli, na gûtirî Mûisiraeli wanarî ûmwe ûkûûragwa ûmûnthî.”

2Sam 19:28

Andû onthe a mûciî wa vava maagîrîrwe nî kûragwa nîwe mwathi wakwa. Nwatî we nîwonire mbagîrîrwe nî kûrîcanîra nawe. Kwoguo ndiagîrîrwe nî gûkwîra ûmvingîrie ûndû wanarî ûrîkû mwathi wakwa.”

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

Ayubu 1:10

Nîkwa ûmûgitagîra ke, mûciî wake, wana indo ciake cionthe. Ûndû wa wonthe ekaga we nîûmûrathimaga. Ndîthia ciake cia mbûri na ng'ombe ciîcûrîte vûrûri wonthe.

Ayubu 2:9

Nake mûka nîwamwîrire atîrî, “Anga nginya rîu wîthîrîtwe ûrî mwîvokeku? Nîkwa ûtangîruma Ngai nîguo ûkue?”

Thaburi 39:1

Nînaugire atîrî, “Ngaamenyagîrîra mîthiîre yakwa, nîguo rûrîmî rwakwa rûtigatûme njîvie. Ndikaavingûra kanyua gakwa, rîrîa andû arîa aganu marî vakuvî.”

Thaburi 39:10

Tiga kûmverithia rîngî! Nîrî vakuvî kûthirua nî mbaara yaku.

Thaburi 39:9

Mbîkariî ta mûndû ûtaicî kwaria, tîmbuga wanarî ûndû, nîûndû we nîwe ûtûmîte nthînîka ûguo.

Thaburi 59:12

Mevagia na ciugo irîa cionthe maragia; kwoguo marogwatithua nî mwîtîîo wao! Nîûndû wa irumi na maveeni marîa maragia,

Nthi 9:13

Mûndûmûka ûrîa mûritu arî înegene rîîngî, ndarî ûmenyo na ndaconokaga.

Nthi 9:6

Tiganani na andû arîa matarî na ûûgî, na nî mûgûtûûra mwoyo. Tiga ûmenyo ûkwonie mîthiîre mîaro.”

Mûvunjia 7:14

Vîndî îrîa maûndû maku marî maro kenaga, na vîndî ya mathîna ririkanaga atî: Ngai arûthîte maûndû maro wana macûku nîguo mûndû ndakamenye ûrîa gûgeekara vuva wa gûkua.

Maca 3:37

Kûrî mûndû ûngîathana ûndû ûgekîka, tiga ûrîa Ngai ke mwene etîkîrîtie wîkîke?

Mathaayo 16:23

Jesû nîwavûgûkire akîroria Petero na akîmwîra atîrî, “Uma vakuvî na nie, Caitani! We wî mûvînga kûrî nie, nîûndû meciria maku matiumîte kûrî Ngai maumîte kûrî andû.”

Mathaayo 25:2

Atano marî aûgî na atano marî aritu.

Johana 18:11

Nake Jesû nîwerire Petero atîrî, “Cokia rûviû rwaku njûrarî. Nîkwa ûreciria atî ndikûnyuîra gîkomberî Kîam mathîna kîrîa Vava amvete?”

Aroma 12:12

Îkaragani mûkenete nîûndû mûrî na kîîrîgîrîro. Kiragîrîriani vîndî ya mathîna na mûvoyage vîndî cionthe.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 3:2

Mavinda meengî tuonthe nîtûvîtagia. Nwatî mûndû ûrîa ûtavîtagia akîaria, nîmûkinyanîru na nîavotaga kûmenyerera mwîrî wake wonthe.

1Sam 3:18

Kwoguo Samueli nîwamwîrire maûndû monthe atakûmûthitha wanarî ûndû. Nake Eli akiuga atîrî, “Ke nîke Ngai-Mûnene, tiga eke ûndû wa wonthe ûrîa ke akwona ûrî mwaro.”