Ayubu 19:14 - ÎVUKU RÎA ÛVORO MWARO

¹⁴ Andû etû na arata akwa matirandethia.

Ayubu 19:14 ပူးပေါင်းရင်းမြစ်များ

Kîam 40:23

Mûnene wa amenyereri ndivei ya mûthamaki ndaacoka kûririkana Josefu rîngî.

2Sam 16:23

Kavindarî kau mataaro monthe marîa Ahithofeli aavecanaga maamûkagîrûa ta ciugo ciumîte kûrî Ngai ke mwene. Ûguo nwaguo Daudi na Abusalomu maamûkagîra mataaro kuuma kûrî Ahithofeli.

Ayubu 19:15

Ageni arîa marî nyomba gwakwa nîariganîre nînie, ndungata ciakwa cia erîtu indungataga ta mûgeni, nduîkîte ta mûndû matanona.

Ayubu 19:19

Arata akwa arîa anene nîamenu, na arîa nendete mûno nîmandiganîrîtie.

Ayubu 42:11

Nao aa mûrwang'ina, na andû onthe arîa mbererî maarî arata ake, nîmaûkire kûmûcerera na makîrîcanîra nake gwake mûciî. Nîmaanyitanîre nake mathînarî make na makîmûmîrîria nîûndû wa mathîna monthe marîa aacemanîtie namo kuuma kûrî Ngai-Mûnene na wa mûndû akîmûva mbeca na gîcûvî Kîam thaavu.

Thaburi 31:12

Andû onthe mariganîrîtwe nînie takwa nîrî mûkuû, mbîkariî ta nyûngû nguû.

Thaburi 38:11

Arata na andû arîa tûriganîtie nao matirenda kwona mathîna makwa, na andû a mûciî wakwa matinguvagîrîria.

Nthi 18:24

Ûrata ûmwe ndwîthagîrwa ûrî wa ma, nwatî kûrî arata evokeku gûkîra mûndû na mûrwang'ina.

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Maca 1:2

Arîraga ûtukû wonthe; methori makanyûrûrûka makai. Arata ake onthe nîmamûcukanîrîte, gûtirî ûngîmûvoreria. Arata ake onthe nîmamûcukanîrîte, nîmatuîkîte nthû ciake.

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Johana 13:18

“Nie ndiraria ûvoro ûmwîgiî muonthe. Nîmbîcî nî andû arîkû nthuurîte. Nwatî nwa nginya mandîko matheru mavinge marîa maugîte atî, ‘Mûndû ûrîa twarîcanîre mûgate nake nîke wacokire kûngarûrûka.’