Ayubu 18:20 - ÎVUKU RÎA ÛVORO MWARO

²⁰ Andû a mwena wa îthûîro nîmamakîtue nî maûndû marîa acemanîtie namo, nao andû a îrathîro makanyitwa.

Ayubu 18:20 ပူးပေါင်းရင်းမြစ်များ

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

Ayubu 24:22

Ngai, na vinya wake nîacûkangagia arîa marî vinya; arûngamaga nao magata kîîrîgîrîro gîa ûtûûro.

Thaburi 137:7

We Ngai-Mûnene, taririkana ûrîa andû a Edomu meekire, rîrîa Jerusalemu yanyitirwe, maaugire atîrî, “Mîomomoreni nginya mîcingi ya yo!”

Thaburi 37:13

Nwatî Ngai-Mûnene nîathekagîrîra andû arîa aganu, nîûndû nîecî atî nîmakûthirua vuva wa kavinda kanini.

Jeremia 18:16

Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Ezek 21:25

“Nawe we mûtongoria wa Isiraeli, mûtongoria mwaganu na ûtarî mûtheru, mîthenya yaku ya îverithia rîa mûthiia nîmîkinyu.

Luka 19:42

akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”