Ayubu 16:8 - ÎVUKU RÎA ÛVORO MWARO

⁸ Nîatûmîte ng'onyara mwîrî wonthe, na ûcio nî ûira wa maûndû macûku marîa ambîkîte; atûmîte ng'înja na ûgîtuîka ûira kûrî andû wa ûrîa njîvîtie.

Ayubu 16:8 ပူးပေါင်းရင်းမြစ်များ

Ayubu 10:17

Vîndî cionthe ûnjaragîria ûira macûku ûmbîgiî, na marakara maku kûrî nie nî meengî mûno, ûndetagîra nthû ng'eni cia kûntharîkîra.

Ayubu 17:7

Mbîkariî ta mûndû mûru metho nîûndû wa kîeva; ciîga cia mwîrî wakwa wonthe nîta kîruru,

Ayubu 19:20

Mwîrî wakwa ûthirîte ûgatigara mavîndî na ngothi; nîravonokere ciarera, vuva wa kûrwa nî indo ciakwa cionthe.

Ayubu 33:21

Mwîrî wake ûgînjîte, ûgatigara mavîndî matheri.

Thaburi 106:15

Nîwamavere kîrîa meetirie, nwatî nîwatûmire manyitwa nî mûrimû mûcûku.

Thaburi 109:24

Maru makwa matirî na vinya nîûndû wa kwînyerekia; ndigîtwe rûûo na mavîndî.

Isaia 10:16

Kwoguo Mwathani, Ngai-Mûnene mwene vinya wonthe, nîakaarete mûrimû wa gûtûma athigari ake arîa anoru magînje, naguo riiri wake nîûkaavîvua wakane ta mwaki ûkîrîrîmbûka.

Isaia 24:16

Nîtûregua nyîmbo cia gûkumia Ngai ûrîa mûthingu, ikinwa kuuma mîthiia ya nthî. Nwatî ngoro yakwa nî ndito nî kîeva, nama, ngoro yakwa nî ndito! Ndirî na kîîrîgîrîro! Andû arîa acukanîrîri mekaga maûndû ma ûcukanîrîri, na ûcukanîrîri ûthiîte na mbere kwongerereka.

Aefeso 5:27

Aakwire nîguo egîîre na kanitha wîkariî ta mûviki, ûrî na riiri na mûtheru, na ûtarî na îvîtia, wîvia, naaî kana ûcûku wana ûrîkû.

Ruthu 1:21

Naaumire gûkû mbîcûrîtwe nî maûndû maro, nwatî Ngai-Mûnene anjokia ndarî wanarî kîndû. Mûrambîta Naomi nîkî rîrîa Ngai-Mûnene Mwene vinya wonthe ambîkîte maûndû macûku na akandetera mathîna?”