Ayubu 16:17 - ÎVUKU RÎA ÛVORO MWARO

¹⁷ Nwatî gûtirî ûndû mûcûku mbîkîte, na mvoyaga Ngai nîrî na ngoro ntheru.

Ayubu 16:17 ပူးပေါင်းရင်းမြစ်များ

Ayubu 11:14

Ethîrwa ûrî na mevia mate kûraca, ndûgetîkîre maûndû matarî ma kîvooto gwaku nyomba.

Ayubu 15:20

Mûndû ûrîa mwaganu na ûnyariraga andû arîa engî, nîatûûra anyarirîkaga ûtûûrorî wake wonthe.

Ayubu 15:34

Andû arîa matagoocaga Ngai magatûûra marî nthata, na mîciî ya arîa mavakanaga îkavîvua nî mwaki.

Ayubu 16:18

We nthî, ndûgakunîkîre nthakame yakwa, tiga maûndû ma kîvooto marîa mbaragia matambe kûrî andû onthe.

Ayubu 27:4

mîromo yakwa ndîkaaria ûthaani, kana rûrîmî rwakwa rwarie maveeni.

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Thaburi 17:1

Thikîrîria, we Ngai-Mûnene, ngîkûthaitha wonanie kîvooto; thikîrîria ngîgûkaîra nîguo ûndethie! Thikîrîria ngîkûvoya na ma.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Isaia 59:6

Ta ûrîa rûûî rwa mbûmbûî rûtangîkîrwa ta nguo, andû matingîvota gwîkunîkîra na maûndû marîa makaga. Wîra wao nî wîra wa waganu, na mekaga maûndû mao na vinya.

Jona 3:8

Andû onthe wana nyamû cia kûrîthua nwanginya ciîkîrwe nguo cia macakaya. Mûndû wa wonthe nwanginya avoe na kinyi kûrî Ngai na atige mîtugo yake mîcûku na ciîko ciake cia waganu.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.