Ayubu 16:13 - ÎVUKU RÎA ÛVORO MWARO

¹³ Ambikagia mîguî na mbarî cionthe, mîguî îrîa îîmundaga îgatûrîkania ndûndî, na akamunda îtema ndûrû îgetîka nthî.

Ayubu 16:13 ပူးပေါင်းရင်းမြစ်များ

Kîam 49:23

Nthû ciake nîciamûtharîkîre na vinya, nîciamûtharîkîre irî na ûta na mîguî.

Ayubu 19:12

Ngai atûmîte athigari ake mantharîkîre, nîmenjîte mîtaro înthiûrûrûkîrîtie, na makarigicîria nyomba yakwa.

Ayubu 19:27

Ngaamwona na metho makwa kîûmbe, nie mwene na tî mûndû wîngî.

Ayubu 20:25

Mûguî ûkamûratha ûtûrîkanie mwîrî wake, nako kamûthiia ka guo karîa kavenavenagia kaumîrîre îtemoorî, ona ûguo agecûrwa nî kîmako.

Ayubu 25:3

Kûrî mûndû ûngîvota gûtara athigari ake a mbaara? Kûrî mûndû ûtakinyagîrwa nî ûtheri wake?

Ayubu 6:10

Ûndû ûcio nwa ûtûme mbîganîre, nîngîakenire wana ethîrwa naarî na ûrûrû mwîngî, nîûndû ndianaregana na ciugo cia Ûrîa Mûtheru.

Ayubu 6:4

Nîrî mûmunde nî mîguî ya Ngai mwene vinya wonthe, na ûvai wayo wîcûrîte mwîrî wakwa wonthe. Maûndû marî na guoya kuuma kûrî Ngai nîmanginyîrîte.

Maca 2:11

Metho makwa mecûrîtwe nî methori, ngoro yakwa nî nthînîku mûno, mwoyo wakwa ûrî na kîeva kîngî mûno nîûndû wa andû akwa gûcûkangua, nîûndû ciana irîa nini iragirîkîra mîcemaniorî ya matûûra.

Maca 2:4

Nîwatungire ûta atwerekeretie ta tûrî nthû, nîwaûragire arîa onthe twendete na maatûkenagia. Arî îgemarî rîa mwarî wa Zayuni, nîatwîtîrîrîtie marakara make ta mwaki.

Maca 3:11

Angururirie akînduta njîrarî, akîndarûranga tûnuku akînandiganîria.

Maca 3:13

Nake nîwandathire ngoro, na mîguî îrîa yarî thiakarî yake.

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

2Pet 2:5

Ngai ndeeguîra nthî ya tene ntha, nwatî nîwaurithirie mbura ya kîvovoto na manjî magîcûra gûkû nthî kûrîa kwarî na andû mataarî na ûngai. Nwatî Ngai nîwagitîre Nuhu ûrîa wavunjagîria andû matûûre marî athingu na akîvonokia andû engî mûgwanja.