Ayubu 15:25 - ÎVUKU RÎA ÛVORO MWARO

²⁵ Nîûndû nîakûnjagîra Ngai ngundi, na akang'athîria Mwene Vinya Wonthe.

Ayubu 15:25 ပူးပေါင်းရင်းမြစ်များ

Ayubu 15:13

Nginya ûkaregana na Ngai, na ûkaaria ciugo njûku ta icio?

Ayubu 15:24

Mînyamaaro na ûrûrû nîimwîkagîra guoya, imûthithûkagîra ta mûthamaki evarîrîtie kûrûa.

Ayubu 15:26

Avinyûraga na kûrîke aûmîtie kîongo, akuuîte ngo ya kwîgitîra kûrî Ngai.

Ayubu 36:9

Ngai nîamonagia ciîko ciao njûku na akamonia atî o nî etîi.

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 52:7

“Taroriani, mûndû ûtevoka Mwathani arî mûgitîri wake, nwatî aaigire mwîvoko wake varî ûtonga wake mwîngî na akiga ûgitîri wake varî ûtonga wake.”

Thaburi 73:11

Andû arîa acûku maugaga atîrî, “Ngai ndangîmenya; ûrîa ûrî Îgûrû Mûno ndangîmenya ûrîa tûreka.”

Thaburi 73:9

Maragia ûcûku wa Ngai arî îgûrû, na makaathaga andû onthe a gûkû nthî.

Ntha 9:17

Nawe nwakwa ûretûgîria na ûkarega andû akwa mathiî.

Isaia 27:4

Nie ndikaarakara rîngî nî mûgûnda ûyû. Kûngîrî mîgua na nthaugû kuo nwa ndûire nacio, nwa ndûe nacio na ngaivîvia na mwaki ikathira viû.

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Jeremia 36:29

Nake Ngai-Mûnene nîwambîrire mbîre mûthamaki atîrî, ‘We nîûravîvirie îvuku rîa gîkûnjo ûkîûragia atî: Nîndûî gîtûmîte wandîke atî mûthamaki wa Babuloni nîagaaûka na acûkangie vûrûri ûyû, na aûrage andû na nyamû irîa irî kuo?’

Jeremia 48:26

“Vani Moabu ndivei nîguo arîwe viû, nîûndû nîwenenevirie gûkîra Ngai-Mûnene. Moabu nîakagaraga matavîkarî make na nîakaathekererwa nî andû.

Jeremia 50:24

We Babuloni, nagûtegire na ngîkûgwatia, na ndwamenya ûndû ûcio, nîwonekire na ûkîgwatwa, nîûndû nîwang'ang'anire na Ngai-Mûnene.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Alawi 26:23

“Na ethîrwa vuva wa îvera rîîrî nwa mûkaathiî mbere na kûregana nanie na mûrege kûmbathîkîra,

Malaki 3:13

Ngai-Mûnene arauga atîrî, “Nîmwarîtie maûndû macûku mûno mambîgiî. Nwatî mue mûragia atîrî, ‘Nî maûndû marîkû macûku twarîtie îgûrû rîaku?’

Ciîko 12:1

Vîndî wa îo Mûthamaki Herode nîwambîrîrie kûnyariira andû amwe arîa maarî a kanitha.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Ciîko 9:5

Nake nîwaûririe atîrî, “We wî û Mwathani?” Nake nîweguire mûgambo ûcio ûgîcokia atîrî, “Nie nînie Jesû ûrîa ûranyarira.”

1Sam 6:6

Mûngîûmia ngoro cienyu ta ûrîa Amisiri na mûthamaki wao maûmirie ciao nîkî? Ngai averithia Amisiri na mûthamaki wa Misiri mûno-î, kinthî matiarekererie Aisiraeli makiuma Misiri na makîthiî?