Ayubu 14:5 - ÎVUKU RÎA ÛVORO MWARO

⁵ Mîthenya ya mûndû gûtûûra mwoyo nî mîtare, na nîwicî mîeri îrîa agûtûûra mwoyo; na ndangîvîtûkia îvinda rîrîa ûmwigîrîte rîa gûtûûra.

Ayubu 14:5 ပူးပေါင်းရင်းမြစ်များ

Ayubu 12:10

Ûtûûro wa kîndû wa kîonthe kîrî mwoyo, na mwoyo wa mûndû wa wonthe ûrî njararî cia Ngai.

Ayubu 14:14

Mûndû angîkua nwa ariûke? Nwatî nîmbîkara ngwetererete ngîrutaga wîra, nginya îvinda rîa kûrekererua rîkinye, rîrîa mathîna makaathira.

Ayubu 16:22

Nîûndû mîaka yakwa ya gûtûûra nî mînini, na kûrîa ngûthiî ndigacoka.

Ayubu 21:21

Mangîrûmbûiya ûvoro wa ciana ciao atîa, rîrîa ûtûûro wao wathira?

Ayubu 7:1

“Wîra wa mûndû gûkû nthî nî mûrito mûno. Mûtûûrîre wake nîta wa mûruti wîra wa kîvarûa.

Thaburi 104:29

Rîrîa waitiganîria nîciîgucaga guoya, waruta mîvevû ya cio, nîikucaga igacoka rûkûngûrî kûrîa ciaumire.

Thaburi 104:9

Nîwathondekere manjî mîtaro îrîa matangîvîtûka, nîguo matigakunîkîre nthî rîngî.

Thaburi 139:16

We nîwamonaga wana mbere ya njiarwe, mîthenya yakwa yonthe îrîa naatarîrîtwe yarî mîandîke îvukuurî rîaku, wana mbere ya mûthenya wa mbere wambîrîria.

Thaburi 31:15

Ûtûûro wakwa ûrî njararî ciaku, mvonokia kuuma kûrî nthû ciakwa, kuuma kûrî arîa manyariraga.

Thaburi 39:4

“Ngai-Mûnene, tiga menye mûthiia wakwa, menye rîrîa ngaakua, ndethia kûmenya atî ûtûûro wakwa ûrî vakuvî.”

Mûvunjia 3:2

Kûrî kavinda ga gûciarwa na kavinda ka gûkua, kavinda ga kûvanda na kavinda ga gûketha.

Mûvunjia 8:8

Gûtirî mûndû ûrî na ûvoti wa kûgiria akua kana ûrî na ûvoti wa mûthenya wa gûkua. Îo nî mbaara tûtangîûra kuuma kûrî yo na waganu ndûngîvonokia mûndû mwaganu.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Danieli 5:26

Ciugo ino ciataûrirwe ta û: MENE; nî kuga atî Ngai nî mûtaru mîaka ya ûthamaki waku, na akaûthiria.

Danieli 5:30

Ûtukû wa mûthenya ûcio, Belishazaru, mûthamaki wa Babuloni nîwaûragirwe,

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.