Ayubu 14:1 - ÎVUKU RÎA ÛVORO MWARO

¹ “Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Ayubu 14:1 ပူးပေါင်းရင်းမြစ်များ

Kîam 3:17

Nake Ngai-Mûnene, Ngai nîwerire Adamu atîrî, “Nîûndû wa kûthikîrîria mûkaguo, na warîa matunda ma mûtî ûrîa nagûkaanirie ndûkarîe, nthî nîîkûnyitwa nî kîrumi nîûndû waku. We ûkonaga irio cia kûrîa kuuma nthî na njîra ya mînoga.

Kîam 47:9

Nake Jakovu nîwacokerie mûthamaki wa Misiri atîrî, “Kavinda ka mîaka îgana rîa mîrongo îthatû ndûûrîte mbûrûraga. Mîakarî îo mbîthîrîtwe nîrî na thîna na mînyamaaro. Mîaka yakwa ya kûrûra îthîrîtwe îrî mînini gûkîra mîaka îrîa methe makwa ma tene maatûûrîte makîûrûraga.”

2Atha 4:19

Wa rîmwe, nîkaambîrîrie kûrîra gakîraga îthe atîrî, “Nînîratuurwa nî kîongo! Nînîratuurwa nî kîongo!” Îthe nîwerire ndungata yake atîrî, “Gakuue ûkavire kûrî ng'ina.”

Ayubu 10:20

Na kinthî mavinda makwa ma gûtûûra mwoyo tî manini? Tigana nanie nîguo ngenerere ûtûûro vanini,

Ayubu 15:14

Mûndû nîndûî atî nîguo ethîrwe arî mûtheru? Kûrî mûndû ûciarîtwe nî mûndûmûka ûngîtuîka mûthingu?

Ayubu 25:4

Mûndû angîvota atîa gûtuîka mûthingu mbere ya Ngai? Mûndû ûciarîtwe nî mûndûmûka nwa atuîke mûtheru?

Ayubu 25:5

Ethîrwa methorî make mweri ndûrî na ûtheri wa kwîgana, kana njata tî ntheru mbere yake;

Ayubu 5:7

Nwatî kuuma mûndû aaciarwa nîonaga mathîna, mathandûkaga ta nthande cia mwaki.

Ayubu 7:1

“Wîra wa mûndû gûkû nthî nî mûrito mûno. Mûtûûrîre wake nîta wa mûruti wîra wa kîvarûa.

Ayubu 7:6

Mîthenya yakwa îravinyûra gûkîra nthugû ya cararani, îrathira ndarî na ûndû mbîrîgîrîrîte.

Ayubu 8:9

Tue tûtûûrîte kavinda kanini, na gûtirî ûndû twicî; mîthenya yetû gûkû nthî nîta kîruru.

Ayubu 9:25

“Mîthenya yakwa îvinyûrîte gûkîra mûvinyûri, nwakwa îthiraga na ndionaga ûndû mwaro.

Thaburi 39:5

Nîmbicî atî, ûtûûro wakwa nî mûkuvî mûno! Ûtûûro wakwa tî ta kîndû mbere yaku. Nama, mûndû wa wonthe nî ta mîvevû.

Thaburi 39:6

Nama, mûndû wonthe nî ta kîruru. Mawîra monthe marîa marutaga nî ma mana; acaragia ûtonga nwatî ndamenyaga ûrîa ûkaarigia nacio akua.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Thaburi 89:47

We Mwathani, ririkana ûrîa ûtûûro wakwa ûrî mûnini; ririkana atî andû onthe arîa waûmbire matûûraga kavinda kanini!

Mûvunjia 2:17

Kwoguo nînaamenire ûtûûro nîûndû maûndû monthe marîa mekagwa gûkû nthî maambîgwithagia kîeva. Maûndû mau monthe maarî ma mana; nî takwa naageragia kûvinyûrania na rûkûngi.

Mûvunjia 2:23

Nîûndû ûtûûro wake wonthe wîcûrîtwe nî mathîna na wîra wake wonthe nî mîtango, wana ûtukû ndavurûkaga. Ûcio nî wîra wa mana.

Jeremia 20:18

Nîndûî gîatûmire njiarwe? Naciarirwe nîguo monage mathîna na kîeva, na njonorithague ûtûûrorî wakwa wonthe?

Mathaayo 11:11

“Nîramwîra na ma atî, Johana Mûvatithania nîke mûnene gûkîra mûndû wîngî wa wonthe ûrîa wanatûûra. Nwatî mûndû ûrîa mûnini mûno Ûthamakirî wa Îgûrû nî mûnene gûkîra Johana.