Ayubu 13:18 - ÎVUKU RÎA ÛVORO MWARO

¹⁸ Rîu nîmvarîrîtie ciira waro, nie nîmbîcî atî ndirî na mavîtia.

Ayubu 13:18 ပူးပေါင်းရင်းမြစ်များ

Ayubu 10:7

We nîwicî atî ndirî mwîviu, na atî gûtirî mûndû ûngîndethûra kuuma kûrî we.

Ayubu 12:4

Nie natuîkire wa kûthekagîrîrwa nî arata akwa; nie naavoire Ngai na akîmbîgua; nie mûndû mûthingu na mwîvokeku, nduîkîte wa kûthekererwa.

Ayubu 13:17

Tanthikîrîria waro, na ûreke matû maku megue ûrîa nguuga.

Ayubu 16:21

Naarî kethîrwa kûrî na mûndû wa kûnthaithanîrîra kûrî Ngai, ta ûrîa andû aîrî arîa mavîtanîtie meguithanagua.

Ayubu 23:4

Nwa nîmwîre mateta makwa, na nîmûve ivooto ciakwa cionthe.

Ayubu 27:6

Nîndûûra nîkindîrîtie ûthingurî wakwa na ndigaûtiganîria. Mavinda monthe thamiri yakwa îthagîrwa îrî ntheru.

Ayubu 32:1

Kwoguo arûme aya athatû: Elifazi, Bilidadi, na Zofari, nîmaaregire gûcokeria Ayubu, nîûndû eetucaga atî ke nî mûthingu.

Ayubu 33:9

We wauga atî nîrî mûtheru, na ndirî na mavîtia, nîrî mûtheru, na ndirî na mevia.

Ayubu 34:5

Ayubu augîte atîrî, ‘Nie ndirî na mavîtia, na Ngai nîmûreganu na kîvooto gîakwa.

Ayubu 6:29

Garûrûkani, mûtige kûmbîka naaî. Garûrûkani, nie ndirî ûndû mûcûku mbîkîte.

Ayubu 9:20

Wana ethîrwa ndirî na mavîtia, kanyua gakwa nîkanducaga mwîvia; wana ethîrwa ndirî na ûcuke, nîanducaga mwaganu.

Ayubu 9:21

Ndirî na ûcuke, na ndiîmakagîra, ndirî na vata na mwoyo wakwa.

Isaia 43:26

“Ta ndirikania, tiga tûciire twî vamwe! Aria maûndû maku nîguo wonekane atî wî na ûma!

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.