Ayubu 12:17 - ÎVUKU RÎA ÛVORO MWARO

¹⁷ Ke nîatûmaga ataarani mathiî matarî na nguo, na agatua acirithania irimû.

Ayubu 12:17 ပူးပေါင်းရင်းမြစ်များ

2Sam 15:31

Rîrîa Daudi aamenyithirue atî Ahithofeli nîanyitanîrîte na Abusalomu nîguo magomere mûthamaki, nîwavoire akiugaga atîrî, “Ngai-Mûnene nakûthaitha ûgarûre ûûgî wonthe wa ûtaarani wa Ahithofeli ûtuîke ûrimû!”

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

2Sam 17:23

Rîrîa Ahithofeli oonire atî mataaro make matinarûmîrîrwa, nîwatûîre mvunda yake na akînûka îtûûrarî rîake. Vuva wa kûvanga maûndû make, nîwacokire agîîita na njîra ya gwîcuuria. Kimba gîake nîgîacokire gîkîthikwa mbîrîrarî ya andû a mûciî wao.

Ayubu 19:9

Nîambaûrîte riiri wakwa, na akanduta nthûmbî kîongo.

Ayubu 3:14

vamwe na athamaki na anene a nthî, arîa maatumire rîngî nyomba cia athamaki cia tene.

Ayubu 9:24

Andû arîa aganu nîo Ngai aaveere nthî, nîwatuire andû arîa macirithanagia ndumumu. Ethîrwa tî Ngai wîkîte ûguo, nû?

Isaia 29:14

Kwoguo, nîngeka andû aya maûndû ma kûmakania, maûndû ma kûgegania na ma kûmakania. Naguo ûûgî wa andû ao arîa aûgî nîûkaathira, na ûmenyo wa andû ao arîa amenyi ûgaatuîka wa mana.”

Danieli 9:12

Nîwavingirie maûndû marîa waugire nîûgaatwîka vamwe na athani etû. Nîwacûkangirie Jerusalemu gûkîra ûrîa wanacûkangia matûûra marîa mengî monthe ma nthî.