Ayubu 11:16 - ÎVUKU RÎA ÛVORO MWARO

¹⁶ Nîûgacoka ûriganîrwe nî mathîna maku monthe, ta ûrîa manjî mavîtûkaga na makariganîra.

Ayubu 11:16 ပူးပေါင်းရင်းမြစ်များ

Kîam 41:51

Kaana ka mbere gaciarwa, Josefu nîwaugire atîrî, “Ngai nîatûmîte ndiganîrwe nî mathîna makwa na ndiganîrwe nî andû etû.” Kwoguo nîwatuîrîre kana kau rîîtwa Manase.

Kîam 9:11

Kîrîkanîro gîakwa namue nî gîkî: atî gûtirî vîndî ciûmbe irîa irî mwoyo ikathirua na mwîcûro wa manjî na ndigaatûma manjî mecûre mathirie nthî rîngî.

Ayubu 22:11

Ûkunîkîrîtwe nî nduma nîguo ndûkoone kîndû, na ûgakunîkîrwa nî mwîcûro wa manjî.

Ayubu 6:15

Arata akwa mamvenetie ta karûnjî, wata kamûvuro karîa kavûcaga mbura yakîa.

Nthi 31:7

Tiga manyue nîguo mariganîrwe nî ûthîni wao, matigacoke kûririkana rîngî mathîna mao.

Mûvunjia 5:20

Ngai nîatûmîte ethîrwe arî na gîkeno kwoguo ndakagîa na kavinda ga gwîtanga îgûrû rîgiî ûtûûro wake mûnini.

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Isaia 54:9

“Nîmbîka wata ûrîa nekire vîndî ya Nuhu: vîndî îo nînevîtire atî, ndigaakunîka nthî rîngî na mwîcûro wa manjî. Kwoguo rîu nînîvîtîte atî ndikaarakara nîwe rîngî, na ndikaagûkûûma rîngî.

Isaia 65:16

Kwoguo, mûndû wa wonthe vûrûrirî wenyu ûrîa ûkenda kûrathimwa, akaathiîcaga kûrathimwa nî Ngai ûrîa wa ma. Nake mûndû wa wonthe ûkevîtaga, akevîtaga akîgwetaga rîîtwa rîa Ngai ûrîa wa ma; nîûndû mathîna marîa makûrû nîmakaariganîra na ndikamaririkana rîngî.”

Johana 16:21

Rîrîa mûndûmûka ageerie kûgîa na mwana nîagîcaga na kîeva nîûndû îvinda rîake rîa kwîgua ûrûrû nîrîkinyu, nwatî agîa na mwana nîakenaga na akariganagîrûa nî ûrûrû nîûndû mwana nî mûciare gûkû nthî.