Ayubu 11:11 - ÎVUKU RÎA ÛVORO MWARO

¹¹ Ngai nîamenyaga andû arîa matarî aro, Ona maûndû macûku magîkwa, ke nîeciragia ûvoro wamo.

Ayubu 11:11 ပူးပေါင်းရင်းမြစ်များ

Ayubu 24:23

Atûmaga arîa aganu mone marî agitîre, nwatî ekaraga aroretie mîthiîre yao.

Ayubu 28:24

Nîûndû ke onaga nginya mûthiia wa nthî, na akona kîndû kîonthe kîrîa kîrî gûkû nthî.

Ayubu 31:4

Ngai nîecî njîra ciakwa, na akamenya ciîko ciakwa cionthe.

Thaburi 10:11

Andû arîa aganu meîraga na ngoro atîrî, “Ngai nî mûriganîre! Nîathithîte ûthiû wake na ndonaga wanarî kîndû!”

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 33:13

Ngai-Mûnene nîaroragia gûkû nthî arî îgûrû na nî onaga andû onthe.

Thaburi 35:22

Nwatî we Ngai-Mûnene, nîûrona maûndû mau, kwoguo ndûgakire, we Mwathani; ndûgekare varaca nanie!

Thaburi 94:11

Ngai-Mûnene nîaicî meciria ma andû, nîaicî atî nî ma mana.

Mûvunjia 5:8

Ndûkamake rîrîa ûkwona vûrûrirî atongoria makîvinyîrîria arîa athîni na makîmacuna ivooto ciao na maûndû ma ma. Mûtongoria wa wonthe ethagîrwa arî rungu rwa mûtongoria wîngî, nao oîrî methagîrwa marî rungu rwa atongoria engî.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

Kûguû 2:23

Wana nîngaaûraga arûmîrîri ake. Namo makanitha monthe nîmakaamenya atî nie nînie nduîragia meciria ma andû na ngamenya merirîria mao. Nie nîngaaverithia wa ûmwe wa cienyu kûringana na mevia marîa ekîte.