Ayubu 1:5 - ÎVUKU RÎA ÛVORO MWARO

⁵ Wa kîrugo Kîamthira, Ayubu nîwetaga ciana ciake nîguo aitherie. Vuva wa kîrugo, nîwaramûkaga kîraûko tene mûno na akaruta îgongoona rîa kûvîvua rîa wa mwana, rîrî îgongoona rîa kûmatheria, “Nîûndû mavota kwîthîrwa marumîte Ngai ngororî ciao.”

Ayubu 1:5 ပူးပေါင်းရင်းမြစ်များ

Kîam 22:3

Mûthenya ûcio warûmîrîrîte kîraûko tene Iburahimu nîwaunire ngû cia kûvîvia îgongoona, na agîcigîrîra îgûrû rîa mvunda yake. Nîwocire Isaka na ndungata ciake igîrî na akîthiî kûrîa Ngai aamwîrîte.

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:20

Nuhu nîwatumîre Ngai-Mûnene metha ya kîgongoona. Kuuma kûrî nyamû cionthe cia mîthemba yonthe irîa itarî mûgiro, nîwocire nyamû îmwe îmwe wa vamwe na mûthemba wa iconi, na akîiruta irî îgongoona rîa kûvîvua metharî îo ya kîgongoona.

1Atha 18:31

Nîwocire mathiga îkûmi na maîrî kûringana na mîvîrîga ya avîcî a Jakovu. Jakovu nîke werîtwe nî Ngai-Mûnene atî nîageetwa Isiraeli.

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

Nehemia 12:30

Athînjîri-Ngai na Alawi nîmaathondekire magongoona ma kwîtheria o ene, kûtheria andû, ivingo, na rûthingo rwa îtûûra rîa Jerusalemu.

Ayubu 1:11

Nwatî ta oca ûtonga ûcio wake wone agîkûruma ûkîonaga!”

Ayubu 1:4

Wa mûndû gatagatîrî ka anake a Ayubu nîwarugaga kîrugo agacoka ageta anake acio engî vamwe wana erîtu nîguo marîcanîre vamwe.

Ayubu 2:9

Nake mûka nîwamwîrire atîrî, “Anga nginya rîu wîthîrîtwe ûrî mwîvokeku? Nîkwa ûtangîruma Ngai nîguo ûkue?”

Ayubu 27:10

Mûndû mwaganu ndangîkena arî mbere ya Ngai mwene vinya wonthe; ndangîvota gûtûûra avoyaga Ngai.

Ayubu 41:25

Rîrîa yarûgama na îgûrû, wana nyamû îrîa îrî vinya mûno nîîvavûkaga.

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Ayubu 6:14

“Ûrîa ûregaga kwîguîra mûrata wake ntha, aregaga gûkumia Ngai Mwene Vinya.

Ayubu 8:4

Ethîrwa ciana ciaku nînjîvîriu Ngai, ke amaverithîtie kûringana na mavîtia mao.

Thaburi 5:3

We Ngai-Mûnene, kîraûko nîwîgucaga mûgambo wakwa, ngûvoyaga kîraûko tene riûa rîkîratha, na ngeterera wendi waku.

Ntha 18:12

Nake Jethiro, mûthoniwe wa Musa nîwarutire indo cia matega ma kûvîvua na magongoona mengî ma kûrutîra Ngai. Aroni na atongoria onthe a Isiraeli nîmaathiîre kûrîa irio vamwe na Jethiro marî mbere ya Ngai-Mûnene.

Ntha 19:10

nake Ngai-Mûnene akîmwîra atîrî, “Thiî kûrî andû na ûmeere metherie ûmûnthî na rûyû, na ûmeere atî nwanginya mathambie nguo ciao,

Ntha 24:5

Musa nîwacokire agîtûma anake a Isiraeli, na makîrutîra Ngai-Mûnene matega ma kûvîvua na ng'ombe îmwe nîûndû wa magongoona ma thayû.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Jeremia 4:14

We Jerusalemu, theria ngoro yaku îthirwe nî waganu, nîguo ûvonokue. Nî nginya rî ûgûtûûra wîciragia maûndû macûku ngororî?

Ezek 14:14

Kethîrwa arûme acio athatû, Nuhu, Danieli na Ayubu matûûraga vûrûri ûcio, mîoyo yao nwayo îngîkaavonokua nîûndû wa ûthingu wao.” Ûguo nîguo Ngai-Mûnene augîte.

Luka 1:75

na tûtûûre tûrî atheru na athingu methorî make, mîthenya yonthe ya ûtûûro wetû.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Johana 11:55

Vîndî ya kîrugo Kîam pasaka yarî vakuvî. Andû eengî nîmaaumire vûrûrirî ûcio na makîthiî îtûûrarî rîa Jerusalemu nîguo metherie mbere ya kîrugo kîu Kîammbîrîrie.

Ciîko 21:26

Kwoguo mûthenya ûcio wîngî Paûlo nîwocire arûme acio ana na akînyitanîra nao îgongoonarî rîao rîa kwîtheria. Nîwacokire akîthiî hekarûrî na akîmenyithania rîrîa mîthenya ya îgongoona rîu rîa kwîtheria îkaathira na rîrîa îtega rîa mûndû wa mûndû rîkaarutwa.

Ciîko 8:22

Kwoguo îrire nîûndû wa waganu ûcio waku na ûvoe Mwathani akwovere nîûndû wa kûgîa na rîciria ta rîu.

1Akor 4:5

Kwoguo mue mûtiagîrîrwe nî gûtuîra mûndû wana ûmwe kavinda karîa kagîrîru ga gûka kwa Mwathani gatarî gakinyu. Mwathani nîakaarete ûtherirî maûndû monthe marîa mathithîtwe ndumarî na aguûrie maûndû marîa mathithîtwe ngororî. Kwoguo wa mûndû nîakaamûkîra îgai rîrîa rîmwagîrîrîte kuuma kûrî Ngai.

2Akor 11:2

Nînîramwîguîra wîru wata ûrîa Ngai amwîgucagîra, nîûndû mue mwîkariî ta mwîrîtu nthingi ûrîa nerîrîre akaavikua nî mûthuuri ûmwe, na nîke Jesû Kristû.

Aefeso 6:18

Voyagani Ngai amûtethagie vîndî îrîa mûreka maûndû mama monthe. Voyagani vîndî cionthe mûtongoretue nî Roho. Nîûndû wa gîtûmi kîu, îkaragani mwîvarîrîtie na mûtikanakue ngoro. Voyagîrani andû onthe a Ngai vîndî cionthe.

1Sam 16:5

Nake nîwacokirie atîrî, “Îî naûka nîrî na thayû. Naûka kûrutîra Ngai-Mûnene kîgongoona. Îîtherieni na mûke tûthiî.” Nîwacokire akîîra Jesse na anake ake metherie wanao, na akîmeeta kîgongoonarî.