Ayubu 1:20 - ÎVUKU RÎA ÛVORO MWARO

²⁰ Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Ayubu 1:20 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Maû 7:3

Rîrîa andû a Isiraeli moonire mwaki wanyûrûrûka kuuma îgûrû na riiri wa Ngai-Mûnene ûrî îgûrû rîa hekarû, nîmaaturirie maru na magîturumithia mothiû mao vau vaarîtwe mathiga na makîgooca Ngai-Mûnene makiuga “Ke nî mwaro, wendo wake ûtathiraga nî wa tene na tene.”

Ezira 9:3

Rîrîa neguire ûguo, nînatembûrangire nguo ciakwa, ngîkûûra njuîrî cia kîongo na nderu nîûndû wa kûthirwa nî mwîvoko na ngîkara nthî nîrî na kîeva.

Ayubu 1:19

Na wa rîmwe rûkûngi rûnene rumîte ya werûrî nî rûkire na rwaringa nyomba na yomomokera ciana ciaku cionthe ikînakua. Nînie nienga ndigarire nîguo mbûke ngûmenyithie maûndû mama.”

Ayubu 2:12

Na marî varaca nîmoonire Ayubu nwatî matiamûmenya. Nwatî rîrîa mamûmenyire nîmaatumûkire na kîrîro. Nîmatembûrangire nguo ciao na magikia mûu na îgûrû ûkîgûcaga ciongorî ciao.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Gûco 9:18

Nînaacokire ngîmama ndurumithîtie ûthiû nthî mbere ya Ngai-Mûnene îvinda rîa mîthenya mîrongo îna, ûtukû na mûthenya, ndakûrîa kana nyua kîndû. Nekire ûguo nîûndû nîmwekîte mevia mbere ya Ngai-Mûnene na mûgîtûma arakare.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.

1Pet 5:6

Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.