Ayubu 1:10 - ÎVUKU RÎA ÛVORO MWARO

¹⁰ Nîkwa ûmûgitagîra ke, mûciî wake, wana indo ciake cionthe. Ûndû wa wonthe ekaga we nîûmûrathimaga. Ndîthia ciake cia mbûri na ng'ombe ciîcûrîte vûrûri wonthe.

Ayubu 1:10 ပူးပေါင်းရင်းမြစ်များ

Kîam 15:1

Vuva wa maûndû mau, Ngai-Mûnene nîwaumîrîre Aburamu na njîra ya kîoneki na akîmwîra atîrî, “Aburamu, tiga kwîgua guoya. Nie nîngaakûgitîra kuuma kûrî mogwati na nîngaakûva kîveo kînene.”

Kîam 26:12

Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte.

Kîam 30:30

Nîûndû mbere ya mbûke gwaku ndîthia ciaku itiarî nyîngî, nwatî rîu nîciîngîvîte mûno na Ngai-Mûnene nîarakûrathimaga kûrîa kuonthe nîrathiîcaga. Nwatî rîu nî kavinda ga kûthûkûmîra mûciî wakwa.”

Kîam 30:43

Na njîra îo, Jakovu nîwatongire mûno. Nîwagîre na ng'ondu nyîngî, ndungata, ngamîîra na mvunda.

Kîam 39:5

Kuuma Josefu aatuîka ndungata na mûrûngamîrîri wa indo cia Potifa, Ngai-Mûnene nîwarathimire mûciî wa Mûmisiri ûcio vamwe na indo ciake irîa ciarî mûciî na irîa ciarî mûgûndarî.

Kîam 49:25

Ngai wa aguo nîke ûgagûtethagia, Ngai mwene vinya wonthe arokûrathima, akûrathimage na mbura kuuma îgûrû, akûrathimage na manjî kuuma rungu rwa nthî, akûrathime na ciana nyîngî na ûrîthi waku ûkûthatûke.

Ayubu 1:3

Aarî na ûtonga wa ng'ondu ngiri mûgwanja (7,000), ngamîîra ngiri ithatû 3,000, ndegwa cia mûraû ngiri îmwe (1,000), na mvunda magana matano (500). Ayubu aarî na ndungata nyîngî mûno, na nîke warî gîtonga kînene mûno gûkîra andû onthe mwena wa îrathîro.

Ayubu 29:2

Naarî kethîrwa nwa mbîkare ta tene, vîndî îrîa Ngai aamenyagîrîra.

Ayubu 29:6

Vîndî îo mbûri na ng'ombe ciakwa ciarî na îriia rîngî mûno, maguta kuuma mîtîrî yakwa ya mîtamaiyû maanyûrûrûkaga ta rûnjî.

Ayubu 31:25

Ndianakena nîûndû nîrî na ûtonga mwîngî, kana nîtîîa nîûndû nînjarîtie indo nyîngî.

Ayubu 42:12

Ngai-Mûnene nîwarathimire Ayubu ûtûrorî wake wa mûthiia gûkîra ûrîa aamûrathimîte ûtûrorî wa mbere.

Thaburi 107:38

Nîwarathimire andû ake na makîongerereka mûno, na agîtûma ndîthia yao ya ng'ombe yongerereke.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Thaburi 5:12

We Ngai-Mûnene nîûrathimaga andû arîa athingu, wendo waku ûmagitagîra ta ngo.

Thaburi 71:21

Nîûgûtûma ngîe îgweta gûkîra mbere, na ûnyûmîrîrie rîngî.

Thaburi 80:12

Ngai-Mûnene, wamomorire rûthingo rûrîa rwaûthiûrûrûkîrîtie nîkî? Rîu andû arîa mavîtûkagîrîra kuo mathiîcaga magîtucaga thavibu.

Thaburi 90:17

Tûma wega waku we Mwathani Ngai wetû wîkarage natue, na ûtûmage maûndû marîa twîkaga magagîre.

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Isaia 5:2

Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:8

Nîûndû Ngai-Mûnene mwene vinya wonthe ûrîa ûndûmîte nîûndû wa riiri wake augîte ûvoro wîgiî mavûrûri marîa maatavire andû ake atîrî, “Mûndû ûrîa ûmûvutagia nî ritho rîake aikagia Kîamra.

Gûco 33:11

We Ngai-Mûnene, mavotithie gûtonga, na wîtîkîre wîra wa njara ciao. Cûkangia vinya wa nthû ciao, nîguo nthû ciao itikavote kûrûa nao rîngî.”

Gûco 33:27

Ngai ûrîa ûtûûraga tene na tene nîke ûmûgitagîra; vinya wake ûrîa ûtûûraga tene na tene nîguo ûmûnyitagîrîra. Nîwengataga nthû cienyu wa ûrîa mwathiîcaga na mbere, na nîwamwîrire mûicûkangie viû.

Gûco 7:13

Akaamwendaga, amûrathimage, na atûme mwongerereke mûtuîke rûrîrî rûnene. Ngai-Mûnene nîakaarathima ciana cienyu na mîgûnda yenyu, na maciaro ma mîgûnda yenyu nîguo mwîthagîrwe mûrî na ndivei na maguta, na amûrathime na ng'ombe na ng'ondu nyîngî. Ngai-Mûnene nîakaamûrathima na indo icio cionthe mûrî vûrûrirî ûrîa eerîre methe menyu atî nîakaamûva.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

1Sam 25:16

Nîmaatûgitagîra ûtukû na mûthenya rîrîa rîonthe twethagîrwa tûrî nao tûkîrîthia ng'ondu.