Atir 9:54 - ÎVUKU RÎA ÛVORO MWARO

⁵⁴ Wa rîmwe Abimeleki nîwacokire agîta mwanake ûrîa wamûkuuagîra indo ciake cia mbaara na akîmwîra atîrî, “Comora rûviû rwaku na ûmbûrage. Ndikwenda andû makauga atî naûragirwe nî mûndûmûka.” Nake mwanake ûcio nîwamûmundire akîmûtûrîkania na agîkua.

Atir 9:54 ပူးပေါင်းရင်းမြစ်များ

2Sam 1:10

Kwoguo Nînathiîre na ngîmûûraga nîûndû nînaamenyaga atî ke ndangîavonire nîûndû aarî mûmunde mûno. Nînacokire ngîoca nthûmbî îrîa eekîrîte kîongorî gîake na mvang'iri îrîa yarî njararî yake na nîcio nakûretere, mwathi wakwa.”

2Sam 1:7

Rîrîa eevûgûrire na akîmona nîwambîtire nanie ngîcokia atîrî, ‘Nîrî ava mwathi wakwa!’

2Sam 1:9

Nake nîwacokire akîmbîra atîrî, ‘Ûka ûmbûrage! Nîûndû nie nîrîmûtivangie mûno na nîrî vakuvî gûkua!’

2Sam 23:37

Zeleki wa kuuma Amoni, Naharai wa kuuma Be-erothi, ûrîa wakuuagîra Joabu mûvîcî wa Zeruia indo cia mbaara,

1Maû 10:4

Nake nîwerire mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage, nîguo Afilisiti aya matatîîte Ngai matikanume.” Nwatî mwanake ûcio wamûkuuagîra indo cia mbaara ndaamûraga nîûndû nîwetigagîra mûno. Kwoguo Saûlo nîwacomorire rûviû rwake na akîyûraga naruo.

1Maû 10:5

Mwanake ûcio rîrîa aamenyire atî Saûlo nîwakua, wanake nîwarutire rûviû rwake na akîyûraga.

1Maû 11:39

Zeleki kuuma Aamoni, Naharai kuuma Be-erothi na nîke wakuuagîra Joabu indo ciake cia mbaara. Joabu aarî mûvîcî wa Zeruia,

Atir 4:9

Debora nîwacokerie Baraki atîrî, “Nîngwîtîkîra tûthiî nawe, nwatî ûmenye twathiî nawe tîwe ûkûgîa gîtîîo nîûndû wa kûvootana nîûndû Ngai-Mûnene akavecana Sisera kûrî mûndûmûka.” Kwoguo Debora na Baraki nîmaathiîre Kadeshi.

Atir 9:55

Rîrîa Aisiraeli moonire atî Abimeleki nîwakua, onthe nîmaacokire wa mûndû gwake mûciî.

1Sam 14:12

Nao arûme a Afilisiti nîmeetire Jonathani marî na mwanake ûcio wamûkuuagîra indo cia mbaara, makîmeera atîrî, “Ta unûkiani mûke gûkû tûrî! Tûrî na kaûndû tûrenda kûmwîra!” Nake Jonathani nîwerire mwanake ûcio atîrî, “Ûka ûnûmîrîre tunûkie, nîûndû Ngai-Mûnene nîatûmîte Afilisiti mavootwe nî Aisiraeli.”

1Sam 14:13

Nake Jonathani nîwaunûkirie akurumîte na maru anyitîte nthî na njara, arûmîrîrîtwe nî mwanake ûcio wamûkuuagîra indo cia mbaara. Jonathani marî na mwanake ûcio nîmaathiîre wa makîûragaga Afilisiti.

1Sam 14:14

Narîo rîûraganarî rîu rîa mbere, Jonathani marî na mwanake ûcio wamûkuuagîra indo cia mbaara nîmaaûragire arûme ta mîrongo îrî mûgûndarî ta wa nuthu eka.

1Sam 14:17

Vîndî îo Saûlo nîwerire arûme arîa maarî vamwe nake atîrî, “Ta tarani andû nîguo mwone nîûrîkû ûtarî vo.” Rîrîa maataranire, nîmoonire atî Jonathani matiarî vo.

1Sam 14:7

Nake mwanake ûcio nîwacokerie Jonathani na akîmwîra atîrî, “Thiî na mbere gwîka ûndû wa wonthe ûrîa meciria maku marakwîra wîke; nie nîrî vamwe nawe.”

1Sam 16:21

Nake Daudi nîwathiîre kûrî Saûlo na agîtuîka ndungata yake. Saûlo nîwendire Daudi mûno na akîmûthuura atuîke wa kûmûkuuagîra indo ciake cia mbaara.

1Sam 31:6

Ûguo nîguo Saûlo, anake ake athatû, mwanake ûrîa wamûkuuagîra indo cia mbaara na athigari onthe a Saûlo maakwire mûthenya wa ûcio.