Atir 9:2 - ÎVUKU RÎA ÛVORO MWARO

² “Namûthaitha mwarie mûkîgucagwa nî andû onthe a Shekemu, mûmaûrie atîrî, ‘Nî ûndû ûrîkû mûrona wagîrîrîte? Mûrenda kwathagwa nî avîcî onthe mîrongo mûgwanja a Gideoni, kana mûrenda kwathagwa nî mûndû ûmwe?’ Makîria ya ûguo, ririkanani, atî mue nanie tûrî a nthakame îmwe.”

Atir 9:2 ပူးပေါင်းရင်းမြစ်များ

Kîam 29:14

Kwoguo Labani nîwerire Jakovu atîrî, “Nama nie nawe twî kîndû kîmwe.” Jakovu nîwekarire kûu mweri ûmwe.

2Sam 19:13

Daudi nîwacokire akîmeera meere Amasa atîrî, “We ûrî wa nyomba yakwa kuuma ûmûnthî nînagûtua mûnene wa athigari akwa a mbaara vandûrî va Joabu. Ngai arombûraga ethîrwa tî mvingia ûguo.”

1Maû 11:1

Andû onthe a Isiraeli nîmaagomanire vamwe kûu Heburoni kûrî Daudi na makîmwîra atîrî, “Tue nawe tûrî andû a nthakame îmwe.

Aefeso 5:30

nîûndû tûrî ciîga cia mwîrî wake.)

Ahib 2:14

Nîûndû ciana ino nî andû marî na mwîrî na nthakame, Jesû ke mwene nîwatuîkire mûndû wata o. Aatuîkire mûndû nîguo na njîra ya gîkuû gîake, athirie vinya wonthe wa Ngoma îrîa îthagîrwa îrî na ûvoti îgûrû rîa gîkuû.

Atir 8:30

Gideoni aarî na avîcî mîrongo mûgwanja, nîûndû aarî na aka eengî.

Atir 9:18

Nwatî ûmûnthî nîmûtharîkîre andû a mûciî wa vava na mwaûragîra avîcî ake mîrongo mûgwanja îthigarî rîmwe. Nîmûcokete mûgatua Abimeleki, mûvîcî wa ndungata yake ya mûndûmûka mûthamaki wa andû a Shekemu, nîûndû atî mûrî amwe nake.

Atir 9:5

Nîwacokire akîthiî mûciî kwa îthe kûu Ofira na akîûragithîria aa mûrwang'ina mîrongo mûgwanja îthigarî rîmwe. Nwatî Jothamu mûvîcî wa Gideon ûrîa warî kîvinga nda, ndaaûragwa nîûndû nîwethithîte.