Atir 8:33 - ÎVUKU RÎA ÛVORO MWARO

³³ Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.

Atir 8:33 ပူးပေါင်းရင်းမြစ်များ

2Atha 12:2

Joashi nîwekire maûndû marîa maakenagia Ngai-Mûnene ûtûûrorî wake wonthe, nîûndû nîwataaragwa nî mûthînjîri-Ngai Jehoiada.

Jeremia 23:27

Na njîra ya iroto icio ciao mavangîte ûrîa mangîtûma andû akwa mariganîrwe nînie wata ûrîa methe mao ma tene maariganîrwe nî nie, makîrûmîrîra Baali.

Jeremia 3:9

Ndoonaga ûmaraa ûrî ûndû mûnene, kwoguo nîwatûmire vûrûri ûgîe na mûgiro na agîka wîvia wa ûtharia na njîra ya kûgooca mathiga na mîtî.

Josh 24:31

Andû a Isiraeli nîmaatûûrire magîtungatagîra Ngai-Mûnene matukû monthe marîa Joshua aarî mwoyo na vîndî ya atongoria arîa maatûûranîtie nake na moonete maûndû monthe marîa Ngai-Mûnene eekîte nîûndû wa andû a Isiraeli.

Atir 10:6

Aisiraeli nîmeevîrie Ngai-Mûnene rîngî. Nîmaagoocire Baali, Maashitarothu na ngai cia Moabu, Aamoni, na cia Filisiti. Nîmaatiganîrie Ngai-Mûnene na magîtiga kûmûtungatîra.

Atir 2:12

Nîmaatigire kûgooca Ngai-Mûnene ûrîa arî ke Ngai wa methe mao ma tene, ûrîa wamarutire vûrûrirî wa Misiri na makîambîrîria kûgooca ngai cia mîvuanano cia andû arîa maamathiûrûrûkîrîtie. Nîmaagoocire ngai icio na makîrakaria Ngai-Mûnene.

Atir 2:17

Nwatî Aisiraeli matiathîkîra atongoria acio. Nîmaaregire gûtuîka evokeku kûrî Ngai-Mûnene na makîgooca ngai ciîngî. Methe mao nîmaavingagia maathani ma Ngai-Mûnene, nwatî o nîmaatigire kûmûgooca.

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.

Atir 3:7

Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 8:27

Gideoni nîwarûthire mûvuanano wa thaavu icio na akîwiga Ofira, îtûûrarî rîake. Nao Aisiraeli onthe nîmaatiganîrie Ngai na makîambîrîria kûmîgooca. Nayo nîyatuîkire mûtego kûrî Gideoni na andû a mûciî wake.

Atir 8:32

Gideoni mûvîcî wa Joashi nîwakwire arî mûkûrû mûno na akîthikwa mbîrîrarî ya îthe Joashi kûu Ofira. Ofira rîarî îtûûra rîa mûvîrîga wa Abiezeri.

Atir 9:27

Andû a Shekemu nîmaathiîre mîgûndarî yao ya mîthavibu na magîketha thavibu, makîthondeka ndivei na makîgîa na kîrugo. Nîmaacokire magîtonya hekarûrî ya ngai yao, nîmaarîre na makînyua magîcoka makîruma Abimeleki.

Atir 9:4

Nîmaamûvere tûcunjî mîrongo mûgwanja (70) twa sîlûva irutîtwe hekarûrî ya Baali-berithu. Abimeleki nîwocire sîlûva icio na agîcoka akîivûthîra kwandîka andû maarî aganu nîguo mamûrûmîrîre.

Atir 9:46

Rîrîa andû arîa maatûûraga nyombarî îrîa ndaca ya Shekemu meegwire ûguo, nîmaathiîre na magîtonya nyombarî ya Eliberithi îrîa yarî ngitîre. Eliberithi yarî ngai yao.