Atir 8:3 - ÎVUKU RÎA ÛVORO MWARO

³ Mbere ya maûndû monthe, vinya wa Ngai nîwamûvotithirie kûûraga anene aîrî a Midiani, Orebu na Zeebu. Nie mbîkîte ûndû ûrîkû ûngîgananua na ûcio?” Rîrîa Gideoni aaugire ûguo, marakara ma andû acio a Efiraimu nîmaathirire.

Atir 8:3 ပူးပေါင်းရင်းမြစ်များ

Thaburi 115:1

Tî tue, we Ngai-Mûnene, tî tue, we wenga nîwe wagîrîrwe nî gûkumua; nîûndû wa wendo waku ûtathiraga na wîvokeku waku.

Thaburi 44:3

Andû aku matiegwatîra vûrûri na mbaara, kana mavootana na vinya wao; nwatî maavootanire na vinya na ûvoti waku, nîwethagîrwa nao vîndî cionthe, nîûndû nîwakenagua nîo.

Nthi 15:1

Gûcokia ûndû na ûvoreri nî kûthiragia marakara, nwatî kûgûkia mûndû kûretage marakara.

Nthi 16:32

Nîkava mûndû ûtarakaraga na îvenya gûkîra mûndû njamba. Nîkava mûndû wînyitagia maûndûrî gûkîra kûnyita îtûûra rîonthe.

Nthi 25:11

Ûndû warîtue vîndî îrîa mbagîrîru, wîkariî ta îtunda rîa thaavu rîrî mbakûrirî ya sîlûva.

Nthi 25:15

Gûkirîrîria nwa gûtûme mûthamaki etîkîre ûndû, na mîario ya ûvoreri nwa îtûme thîna ûthire.

Johana 4:37

Nîûndû nthimo îno yugaga atî, ‘Mûndû ûmwe nîke ûvandaga nake wîngî agaketha.’

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

Aroma 12:6

Tuonthe nîtûtûmîre iveo mwanya mwanya irîa Ngai atûvete ciumanîte na wega wake. Mûndû ûrîa ûrî na kîveo gîa kûvunjia ndûmîrîri ya Ngai nî avunjie kûringana na wîtîkio ûrîa avetwe.

Afil 2:3

Îkagani maûndû mûtakwîyenda na mûtagwîtîîa. Nwatî na njîra ya wînyivia, vingo cionthe wa mûndû nîatucage ûrîa wîngî mwaro kûmûkîra.

Atir 8:2

Nake Gideoni nîwamacokerie atîrî, “Ûrîa nekire ndûrî na vata ûringithanîtue na ûrîa mwîkîte. Ûndû mûnini ûrîa mue andû a Efiraimu mwekire, ûrî na vata gûkîra ûrîa andû onthe a mbarî yakwa mekîte.

Atir 8:4

Vîndî îo Gideoni na andû ake magana mathatû maarî akinyu rûnjîrî rwa Jorodani na makarûringa. Maarî athiru vinya, nwatî nwa maarûmîrîrîtie nthû ciao na îvenya.