Atir 7:3 - ÎVUKU RÎA ÛVORO MWARO

³ Kwoguo anîrîra kûrî andû onthe ûmeere atîrî, ‘Mûndû wa wonthe ûretigîra nîacoke mûciî.’ ” Nao andû ngiri mîrongo îrî na igîrî nîmaacokire mûciî, nwatî andû ngiri îkûmi nîmaatigirwe kuo.

Atir 7:3 ပူးပေါင်းရင်းမြစ်များ

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Mathaayo 20:16

Jesû akîrîkîrîria nîwaugire atîrî. “Andû arîa marî vuva nîmagaatuîka a mbere nao arîa marî mbere rîu, nîmagaatuîka a vuva.”

Gûco 20:8

“Anene acio a athigari a mbaara nîmakaathiî na mbere kwarîria andû mameere atîrî, ‘Kûrî mûndû gatagatîrî kenyu ûregua guoya na atarî na vinya ngoro? Mûndû ûcio nîacoke mûciî, nîûndû avota gûtûma athigari acio engî megue guoya.’

Kûguû 17:14

Athamaki acio na nyamû nîmakaarûa na Gatûrûme. Nake Gatûrûme arî vamwe na arîa Ngai etîte, akamathuura na nî arûmîrîri evokeku, nî akaamavoota, nîûndû ke nî Mwathani wa aathani na Mûthamaki wa athamaki.”

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Atir 6:35

Nîwatûmire anjaama mathiî vûrûrirî wonthe wa Manase. Nao nîmaaûnganire vamwe na makîmûrûmîrîra. Nîwatûmire anjaama kûrî andû a mîvîrîga ya Asheri, Zebuluni, na Nafutali, nao nîmaathiîre kûmûtûnga.