Atir 7:22 - ÎVUKU RÎA ÛVORO MWARO

²² Vîndî wa îo andû a Gideoni maavuvaga tûrumbeta, Ngai-Mûnene nîwatûmire andû a Midiani matemangane na mviû ciao. Nîmaathiîre merekerete Zarethani nginya magîkinya Bethishita, na îtûûrarî rîa Abeli-mehola vakuvî na Tabathi.

Atir 7:22 ပူးပေါင်းရင်းမြစ်များ

1Atha 19:16

wîtîrîrie Jehu mûvîcî wa Nimushi maguta nîguo atuîke mûthamaki wa Isiraeli, na wîtîrîrie Elisha mûvîcî wa Shafati kuuma Abeli Mehola maguta nîguo atuîke mûrathi vuva waku.

1Atha 4:12

Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

2Maû 20:23

Andû a Aamoni na a Moabu nîmaatharîkîre athigari a Edomu na makîmaûraga onthe. Marîkia kûraga andû a Edomu, nîmaacokire makîambîrîria kûragana o ene.

Thaburi 83:9

Meke wata ûrîa wekire andû a Midiani, wata ûrîa wekire Sisera na Jabini rûnjîrî rwa Kishoni;

Isaia 19:2

Ngai-Mûnene augîte atîrî, “Nie nîngaatûma andû a Misiri marûe o ene: wa mûndû nîmakaarûa na mûrwang'ina, wa mûndû marûe na ûrîa mariganîtie nake, wa îtûûra rîrûe na îtûûra rîrîa rîngî, na mûthamaki nîakaarûa na mûthamaki ûrîa wîngî.

Isaia 9:3

We Ngai-Mûnene, nîûtûmîte rûrîrî rûongerereke, nîûtûmîte rûgîe na gîkeno kînene. Nîmaracanjamûka marî mbere yaku, marî na gîkeno ta vîndî ya maketha, ta ûrîa andû makenaga rîrîa maragaana indo irîa matavîte.

Isaia 9:4

Nîûndû nîunangîte îcoki rîrîa rîamaritûvîrîte, na ûkaunanga mûtî wa kwigîrîra ciande ciao. Nîunangîte rûthanju rûrîa rwavinyagîrîria andû aku, wata ûrîa wavootire athigari a mbaara a Midiani.

Ezek 38:21

Nîngaatûma Gogu agîe na maûndû ma kûmûmakia ma mîthemba yonthe. Andû aku nîmagaaûkanîrîra wa mûndû arûe na mûndû ûrîa wîngî. Nînie Mwathani Ngai-Mûnene mbugîte ûguo.

Habakuku 3:14

Nîwarathire mûtongoria wao wa mbaara na mîguî, rîrîa athigari ake a mbaara maûkire ta kîvuvûkanio gûtûnyagania, magîtîîaga ûrîa makûthiria athîni marî kûrîa methithîte.

Hagai 2:22

kûgarûrania mothamaki na kûthiria mavinya mao. Nîmûgaacûkangia ikaari ciao cia mbarathi na atwarithia a cio, nao nîmakaaûragana o ene kwa ene.

Zakaria 14:13

Vîndî îo Ngai-Mûnene nîagaatûma andû magwatwe nî guoya mûnene mûno. Wa mûndû nîakaanyita mûndû ûrîa wîngî njara na marûe o ene.

2Akor 4:7

Nwatî tûrî na mûthithû ûyû twîkariî ta nyûngû cia yûmba nîguo kwonanue atî vinya mûnene uumaga kûrî Ngai, nwatî tî kuuma kûrî tue.

Josh 3:16

manjî marîa maanyûrûrûkaga nîmaarûngamire na makîyûmba vamwe. Maarûngamire varaca vandû vetagwa Adamu, îtûûra rîrîa rîrî vakuvî na Zarethani. Manjî nî maatigire kûnyûrûrûka îriarî rîa Cumbî, nao andû makîringîra nthî nyûmû vakuvî na Jeriko.

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Josh 6:20

Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

1Sam 18:19

Nwatî rîrîa îvinda rîakinyire rîa Merabu kûvecanwa kûrî Daudi, vandû va ûguo nîwavecanirwe kûrî mûndû wetagwa Adirieli wa kuuma Mehola nîguo atuîke mûndûmûka wake.