Atir 7:20 - ÎVUKU RÎA ÛVORO MWARO

²⁰ Nao andû a ikundi icio ciîngî igîrî nîmeekire wa ûguo. Onthe maanyitîte imûrî na njara cia ûmotho, natuo tûrumbeta manyitîte na njara cia ûrîo, makiugagîrîria atîrî, “Îno nî mbaara ya Ngai-Mûnene na ya Gideoni!”

Atir 7:20 ပူးပေါင်းရင်းမြစ်များ

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Jeremia 47:6

We rûviû rwa Ngai-Mûnene! Ûgakirîrîria rî? Coka njûrarî yaku, vurûka na ûkirîrîrie.

1Akor 15:52

wa rîmwe ta kûvucia kwa riitho vîndî îrîa karumbeta gakaavuvwa. Vîndî îrîa karumbeta gakaavuvwa, akuû nîmakaariûkua ûndû matagacoka gûkua rîngî na tue tuonthe nîtûkaagarûrûka.

2Akor 4:7

Nwatî tûrî na mûthithû ûyû twîkariî ta nyûngû cia yûmba nîguo kwonanue atî vinya mûnene uumaga kûrî Ngai, nwatî tî kuuma kûrî tue.

1Ath 4:16

Nîûndû Mwathani nîakaanyûrûka kuuma îgûrû Kîamthanaga augîrîrîtie na mûgambo wa mûraika ûrîa mûnene na karumbeta ka Ngai. Vîndî îo, arîa makeethîrwa maakuire metîkîtie Kristû nîo makamba kûriûka.

Ahib 11:4

Wîtîkio nîguo watûmire Abili ategera Ngai îgongoona rîaro gûkîra rîrîa Kaini aategire. Nîûndû wa gwîtîkia Ngai Abili nîwatuirwe mûthingu, nîûndû Ngai nîwetîkîrire maruta make. Na njîra ya wîtîkio Abili nwa waragia wana ethîrwa nî wakuire.

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Josh 6:20

Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.

2Pet 1:15

Kwoguo nîngûgeria wa ûrîa nîngîvota nîguo wana narîkia gûkua mûkaavotaga kûririkana maûndû mama vîndî cionthe.

Atir 7:19

Kwoguo Gideoni na andû ake îgana rîmwe nîmaakinyire vakuvî na magema ma Amidiani thaa thita cia ûtukû ithiîte gûkinya. Vîndî îo nîrîo arangîri maarî marîkia gûcenjania. Gideoni na andû ake nîmaavuvire tûrumbeta na makîûraga nyûngû irîa maanyitîte.

Atir 7:21

Nao nîmaarûngamire wa mûndû varîa aarî marigicîrîtie magema ma Amidiani mîena yonthe. Nao athigari onthe a mbaara a Midiani nîmaaûrire makîrîraga.

1Sam 11:11

Ûtukû ûcio Saûlo nîwagaanirie andû ake ikundi ithatû na makîthitûkîra andû a Amoni kîraûko tene kûu magemarî mao. Nîmaaûragire andû a Amoni nginya thaa thita cia mûthenya. Nao arîa maatigarire nîwanyaganirie, wa mûndû akîthiî njîra yake wenga.