Atir 7:14 - ÎVUKU RÎA ÛVORO MWARO

¹⁴ Nake mûratawe nîwamûcokerie atîrî, “Rûrû nwa rwîthîrwe rûrî rûviû rwa Gideoni mûvîcî wa Joashi! Kîroto kîu gîtingîonania ûndû wîngî! Ngai nîamûvotithîtie kûvoota Amidiani vamwe na athigari etû onthe a mbaara!”

Atir 7:14 ပူးပေါင်းရင်းမြစ်များ

Ayubu 1:10

Nîkwa ûmûgitagîra ke, mûciî wake, wana indo ciake cionthe. Ûndû wa wonthe ekaga we nîûmûrathimaga. Ndîthia ciake cia mbûri na ng'ombe ciîcûrîte vûrûri wonthe.

Ndari 22:38

Balaamu nîwamûcokerie atîrî, “Taroria nînaûka nîrî ava. Nwatî nîrî na ûvoti wa kwaria wanarî ûndû? Nîmbaria ûrîa tu Ngai akwenda mbarie.”

Ndari 23:20

Ke amveere watho wa kûrathimana, Ngai arathimana ndingîvota kûgarûra kîrathimo kîu.

Ndari 23:5

Ngai-Mûnene nîwerire Balaamu ûrîa akûthiî kwîra Balaki na akîmwatha acoke kûrî Balaki akamûve ndûmîrîri îo.

Josh 2:24

na makiuga atîrî, “Tue nîtwîtîkîtie atî Ngai-Mûnene nîatûvete vûrûri ûyû wonthe. Andû onthe marî na guoya na nî amaku nî tue.”

Josh 2:9

na akîmera atîrî, “Nîmbicî atî Ngai-Mûnene nîavecanîte vûrûri ûyû kûrî mue. Nao andû arîa onthe matûûraga vûrûrirî ûyû marî na guoya nyîngî mûno nîûndû wenyu.

Josh 5:1

Athamaki onthe a Amori arîa maatûûraga mwena wa îthûîro wa Jorodani na athamaki onthe a Akanaani arîa maatûûraga rûtererî rwa îria rîa Mediterania nîmaamakire mûno megua atî Ngai-Mûnene nîwatûmîte rûnjî rwa Jorodani rûnyare nginya rîrîa andû a Isiraeli maaringire. Nao nîmeguire guoya na magîtigîra nîûndû wa andû a Isiraeli.

Atir 3:28

Ehudi nîwerire Aisiraeli atîrî, “Nûmîrîrani! Nîûndû Ngai-Mûnene nîamûvotithîtie kûvoota nthû cienyu, Amoabu.” Nao Aisiraeli nîmaamûrûmîrîre makîthiî na makîîgwatîra mariûko marîa Amoabu maaringagîra Jorodani na matietîkîria mûndû wanarî ûmwe aringe.

Atir 7:13

Rîrîa Gideoni aakinyire, nîwegwire mûndû ûmwe akîra mûratawe ûvoro wîgiî kîroto. Aamwîraga atîrî, “Nîrarotaga atî mûgate wa cairi ûvingiritîte ûgaûka kûrîa twambîte magema na ûkaringa îgema. Îgema nîrîragûîre na rîkînyagarûka vau nthî.”

Atir 7:15

Rîrîa Gideoni eegwire kîroto kîu Kîam mûndû ûcio na ûrîa kîonanagia, nîwenamîrîre na akîgooca Ngai-Mûnene. Nîwacokire akîthiî kûrîa Aisiraeli maambîte magema mao na akîmeera atîrî, “Ûkîrani! Ngai-Mûnene nîamûvotithîtie kûvoota andû a Midiani!”

1Sam 14:12

Nao arûme a Afilisiti nîmeetire Jonathani marî na mwanake ûcio wamûkuuagîra indo cia mbaara, makîmeera atîrî, “Ta unûkiani mûke gûkû tûrî! Tûrî na kaûndû tûrenda kûmwîra!” Nake Jonathani nîwerire mwanake ûcio atîrî, “Ûka ûnûmîrîre tunûkie, nîûndû Ngai-Mûnene nîatûmîte Afilisiti mavootwe nî Aisiraeli.”