Atir 7:12 - ÎVUKU RÎA ÛVORO MWARO

¹² Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.

Atir 7:12 ပူးပေါင်းရင်းမြစ်များ

1Atha 20:27

Andû a Isiraeli nîmaaûnganirue na makîvewa indo cia mbaara na makîthiî kûrûa na Asîria. Aisiraeli moonekaga ta tûkundi twîrî tûnini twa mbûri, nwatî Asîria maanyaganîte vûrûrirî wonthe.

1Atha 4:30

Solomoni aarî na ûûgî mwîngî gûkîra andû onthe a mwena wa îrathîro, na ûûgî mwîngî gûkîra andû onthe a Misiri.

Thaburi 3:1

We Ngai-Mûnene, nthû ciakwa nî nyîngî mûno, nî andû eengî mûno arîa mamenete!

Thaburi 33:16

Mûthamaki ndavootanaga nîûndû wa wîngî wa athigari ake a mbaara, mûthigari ndavootanaga nîûndû wa vinya wake.

Jeremia 46:23

Nîmagaatema mûtitû wake wana ethîrwa ndûngîtonyeka, nîûndû o nî eengî gûkîra ngige matingîtarîka. Ûguo nîguo nie Ngai-Mûnene nauga.

Josh 11:4

Nao athamaki acio onthe nîmaaûkire na athigari ao a mbaara. Athigari acio onthe a mbaara meengîvîte ta mûthanga ûrîa ûrî rûtererî rwa îria. Na maarî na mbarathi nyîngî na ikaari ciacio.

Atir 6:3

Vîndî cionthe Aisiraeli mangîavandire mbeû, andû a Midiani na Amaleki vamwe na andû arîa maatûûraga werûrî mwena wa îrathîro nîmaathiîcaga na makamatharîkîra.

Atir 6:33

Amidiani onthe; Amaleki na andû arîa maatûûraga mwena wa îrathîro nîmaacokire makîûngana vamwe. Nîmaaringire Jorodani na makîamba magema Kîamndarî Kîam Jezireeli.

Atir 6:5

Maathiîre vûrûrirî wa Isiraeli na ng'ombe ciao, wana magema mao. Maathiîre vûrûrirî ûcio mengîvîte ta ngige. Andû acio o ene vamwe na ngamîîra ciao matiatarîkaga nîûndû wa kwîngîva. Maatonyire vûrûrirî nîguo maûcûkangie viû.

Atir 7:13

Rîrîa Gideoni aakinyire, nîwegwire mûndû ûmwe akîra mûratawe ûvoro wîgiî kîroto. Aamwîraga atîrî, “Nîrarotaga atî mûgate wa cairi ûvingiritîte ûgaûka kûrîa twambîte magema na ûkaringa îgema. Îgema nîrîragûîre na rîkînyagarûka vau nthî.”

Atir 8:10

Zeba na Zalimuna maarî kûu Karikori marî na athigari ao a mbaara. Gatagatîrî ka athigari onthe a mbaara a mîvîrîga ya mwena wa îrathîro, athigari ngiri îkûmi na ithano tu nîo maatigarire. Athigari ngiri îgana rîmwe rîa mîrongo îrî maarî aûrage.

1Sam 13:5

Nao Afilisiti nîmaacokanîrîre vamwe na makîîvarîria nîguo marûe na Aisiraeli; o maarî na ngari ngiri mîrongo îthatû cia mbaara, arûme ngiri ithathatû arîa mathiîcaga matûîte mbarathi, na athigari eengî meengîvîte ta mûthanga ûrîa wîthagîrwa ûrî rûtererî rwa îria. O nîmaaunûkirie na makîamba magema mao mwena wa îrathîro wa Bethiaveni, kûu Mikimashi.

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.