Atir 7:11 - ÎVUKU RÎA ÛVORO MWARO

¹¹ na nîûkwîgua ûrîa andû acio marî kuo marauga. Vuva wa ûguo nîûkûmîrîria na ûvote kûtharîkîra andû acio.” Kwoguo Gideoni na ndungata yake Pura nîmaanyûrûrûkire na magîkinya kûrî Amidiani arîa maarî na indo cia mbaara.

Atir 7:11 ပူးပေါင်းရင်းမြစ်များ

Kîam 24:14

Mwîrîtu ûrîa ngeera, ‘Ta înamîrîria kînya gîaku nîguo ngunde manjî’, nake auge, ‘Kunda, na nîngûkundia ngamîîra ciaku manjî wana cio’; tûma ethîrwe nîke ûthuurîrîte ndungata yaku Isaka. Ûndû ûcio wekîka, ûgaatûma menye atî we nîwonanîtie wendo ûtathiraga kûrî mwathi wakwa.”

Ezira 6:22

Nîmaakûngûîre kîrugo Kîam mîgate îtaarî mîkîre ndawa ya kwimbia vandû va mîthenya mûgwanja marî na gîkeno. Maakenete nîûndû Ngai-Mûnene nîwatûmîte mûthamaki wa Asîria agîe na wendo nîguo amatethie gûtuma rîngî hekarû ya Ngai wa Isiraeli.

Nehemia 6:9

Meendaga gûtûmakia magîciria nîtûgûtiga kûruta wîra. Nwatî nînavoire ngiuga atîrî, “Ngai tûma ngîe na vinya.”

Ntha 13:18

Vandû va ûguo Ngai aamatongoririe na njîra îrîa îthiûrûrûkîte werû îthiîte îriarî îtune. Nao andû a Isiraeli maaumire vûrûri wa Misiri mevarîrîtie na indo cia mbaara.

Aefeso 3:16

Mvoyaga Ngai atî kuuma kûrî ûtonga wa riiri wake amûvecaga vinya nyîngî ndarî yenyu na njîra ya Roho wake.

Aefeso 6:10

Rîu ngîrîkîrîria, nîramwîra mûgîcage na vinya mûmagîrîrie mûrî ndaarî ya Mwathani na mûvotithîtue nî vinya mwîngî wake.

Afil 4:13

Nwambîke maûndû monthe na njîra ya ûrîa ûmvecaga vinya.

Atir 7:10

Nwatî ethîrwa nî ûretigîra, oca ndungata yaku Pura mûthiî nayo kûu Amidiani mambîte magema mao,

1Sam 14:12

Nao arûme a Afilisiti nîmeetire Jonathani marî na mwanake ûcio wamûkuuagîra indo cia mbaara, makîmeera atîrî, “Ta unûkiani mûke gûkû tûrî! Tûrî na kaûndû tûrenda kûmwîra!” Nake Jonathani nîwerire mwanake ûcio atîrî, “Ûka ûnûmîrîre tunûkie, nîûndû Ngai-Mûnene nîatûmîte Afilisiti mavootwe nî Aisiraeli.”

1Sam 23:16

Nake Jonathani mûvîcî wa Saûlo nîwathiîre kûrî Daudi kûu Horeshu na akîmûmîrîria atî Ngai nîakûmûgitîra.

1Sam 26:6

Daudi nîwaûririe Ahimeleku ûrîa Mûhiti na Abishai mûrwang'ina na Joabu (ng'ina eetagwa Zeruia) atîrî, “Nî ûrîkû gatagatîrî kenyu muoîrî tûkûthiî nake îgemarî rîa Saûlo?” Nake Abishai nîwacokirie atîrî, “Nî nie.”