Atir 6:5 - ÎVUKU RÎA ÛVORO MWARO

⁵ Maathiîre vûrûrirî wa Isiraeli na ng'ombe ciao, wana magema mao. Maathiîre vûrûrirî ûcio mengîvîte ta ngige. Andû acio o ene vamwe na ngamîîra ciao matiatarîkaga nîûndû wa kwîngîva. Maatonyire vûrûrirî nîguo maûcûkangie viû.

Atir 6:5 ပူးပေါင်းရင်းမြစ်များ

Rwîmbo rwa Nyîmbo 1:5

Nie nîrî mwirû nwatî nîrî mûthaka, nîrî mwirû ta magema ma Kedari, nwatî nîrî mûthaka ta itambaa irîa irî mûciî gwa Solomoni.

Isaia 13:20

Îtûûra rîu rîtigacoka gûtûûrwa nî andû, kana rîkarwa nî njiarwa tene na tene. Gûtirî Mûarabu ûkaamba îgema rîake kuo, na gûtirî mûrîthi ûkaarîthia ndîthia yake kuo.

Isaia 60:6

Ikundi cia ngamîîra nîigaakunîka vûrûri waku, njaû cia ngamîîra cia kuuma Midiani na Efa. Cionthe nîigaaûka kuuma Sheba ikûreterete thaavu na ûbani, na nîikaanîrîra ngumo ya Ngai-Mûnene!

Jeremia 46:23

Nîmagaatema mûtitû wake wana ethîrwa ndûngîtonyeka, nîûndû o nî eengî gûkîra ngige matingîtarîka. Ûguo nîguo nie Ngai-Mûnene nauga.

Jeremia 49:29

Ocani magema mao na ndîthia ciao, wana mbathia na indo ciao cionthe; macuneni ngamîîra ciao na mûmeere atîrî, ‘Guoya wîcûrîte kûndû kuonthe!’

Jeremia 49:32

“Tavani ngamîîra na ndîthia ciao! Nîngaamanyagarûkia kûndû kuonthe, andû arîa menjaga njuîrî ciao igakuvîva mîena, njoke nîmaretithîrie mûthiro na mîena yonthe. Ûguo nîguo nie Ngai-Mûnene nauga.

Jeremia 51:14

Ngai-Mûnene mwene vinya wonthe nîevîtîte ke mwene akauga atîrî, “Nama nîngûrete athigari eengî ta ngige makûtharîkîre, na nîmakaugîrîria na vinya nîûndû wa ûrîa mavootanîte.”

Gûco 28:33

Vûrûri mûgeni ûgoocaga irio cienyu cionthe irîa mûrutîrîte wîra na mûtikoona wanarî kîndû, tiga kûvinyîrîrua na kûthînua mûno vîndî cionthe.

Atir 7:12

Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.

Atir 8:10

Zeba na Zalimuna maarî kûu Karikori marî na athigari ao a mbaara. Gatagatîrî ka athigari onthe a mbaara a mîvîrîga ya mwena wa îrathîro, athigari ngiri îkûmi na ithano tu nîo maatigarire. Athigari ngiri îgana rîmwe rîa mîrongo îrî maarî aûrage.

Atir 8:21

Zeba na Zalimuna nîmeerire Gideoni atîrî, “Ûkîra ûtûûrage arî we. Ûkîra ûtûrage ethîrwa ûrî mûndûmûrûme.” Kwoguo Gideoni nîwaûkîrire na akîûraga Zeba na Zalimuna. Nîwacokire akîruta mîkathî îrîa yarî ngingorî cia ngamîîra ciao na akîthiî nayo.

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.