Atir 6:28 - ÎVUKU RÎA ÛVORO MWARO

²⁸ Rîrîa andû a îtûûra maaramûkire kîraûko tene mûthenya ûcio warûmîrîrîte, nîmeethîrîrie metha ya kîgongoona ya Baali na mûvuanano wa ngai ya Ashera irî nyomomore. Nîmacokire makîona ndegwa ya kaîrî îrî mvîvîrie metharî ya kîgongoona îrîa yatumîtwe kuo.

Atir 6:28 ပူးပေါင်းရင်းမြစ်များ

2Atha 18:4

Nîwacûkangirie kûndû kûrîa kwagoocagîrwa ngai cia mîvuanano, nîwomomorire itugî cia mathiga, na agîtemanga mîvuanano ya ngai ya nga ya Ashera. Na nîwaunangire njoka ya gîcango tûcunjî îrîa Musa aarûthîte, îrîa yetagwa Nehushitani, nîûndû andû a Isiraeli nwa maamîvîvagîria ûbani na makamîgooca.

Atir 6:27

Kwoguo Gideoni nîwocire ndungata imwe ciake îkûmi na agîka wata ûrîa Ngai-Mûnene aamwîrîte. Nwatî ndeeka ûguo mûthenya nîûndû nîwetigagîra andû a mûciî wake na andû a îtûûra. Kwoguo eekire ûguo ûtukû.

Atir 6:29

Nao nîmaaûranirie atîrî, “Nû wîkîte ûguo?” Nîmaaûrîrîrie na makîmenya atî nî Gideoni mûvîcî wa Joashi wekîte guo.

1Sam 7:9

Samueli nîwocire kagondu kanini gakîongaga na agîkaruta karî îtega rîa kûvîvua kûrî Ngai-Mûnene karî kagima. Nîwacokire akîvoera Aisiraeli kûrî Ngai-Mûnene, na Ngai-Mûnene agîcokia mavoya make.