Atir 6:27 - ÎVUKU RÎA ÛVORO MWARO

²⁷ Kwoguo Gideoni nîwocire ndungata imwe ciake îkûmi na agîka wata ûrîa Ngai-Mûnene aamwîrîte. Nwatî ndeeka ûguo mûthenya nîûndû nîwetigagîra andû a mûciî wake na andû a îtûûra. Kwoguo eekire ûguo ûtukû.

Atir 6:27 ပူးပေါင်းရင်းမြစ်များ

Thaburi 112:5

Kûrathimwa nî mûndû ûrîa akombithanagia indo ciake na ûtaana, ûrîa wîkaga maûndû make na njîra ya kîvooto.

Mathaayo 16:24

Nake Jesû nîwacokire akîîra arutwa ake atîrî, “Mûndû wa wonthe ûngîenda kûnûmîrîra nwa nginya erege, akuue mûtharava wake na anûmîrîre.

Johana 15:14

Mwona mweka maûndû marîa nîmwathaga, nîmûgûtuîka arata akwa.

Johana 2:5

Ng'ina wa Jesû nîwacokire akîra ndungata atîrî, “Îkani ûndû wa wonthe ûrîa ke akûmwîra mwîke.”

Johana 3:2

Ûtukû ûmwe Nikodemu nîwathiîre kûrî Jesû na akîmwîra atîrî, “Rabii, tue nîtwîcî atî we wî mwarimû ûtûmîtwe nî Ngai. Gûtirî mûndû wana ûmwe ûngîvota kûringa ciama ta icio ûringaga Ngai atarî vamwe nake.”

Agal 1:16

anguûrîrie Mûriû wake nîguo mvote kûvunjia ûvoro mwaro ûmwîgiî kûrî andû a ndûrîrî, navunjirie ndakûria gûtaarwa nî mûndû.

Gûco 4:1

Musa nîwacokire akîra andû a Isiraeli atîrî, “Kwoguo athîkagîrani mawatho monthe na matuîro ma ciira marîa nîramûthomithia, na nî mûgaatonya na mûtûûre vûrûri ûrîa Ngai-Mûnene, Ngai wa methe menyu akûmûva.

1Ath 2:4

Vingo cionthe twaragia ûrîa Ngai endaga, nîûndû ke nîwonete tûrî agîrîru na a kwîvokerwa Ûvoro Mwaro. Tûtiaragia nîguo tûkenie andû, nwatî twaragia nîguo tûkenie Ngai ûrîa ûthimaga wendi wa ngoro cietû.

Atir 6:26

Tumîra Ngai-Mûnene, Ngai waku metha mbaro ya kîgongoona vo, na woce ndegwa ya kaîrî na ûmîvîvie îrî îtega rîa kûvîvua. Ûcoke ûtûmîre icunjî icio ûgûtemanga cia mûvuanano wa ngai ya Ashera irî ngû.”

Atir 6:28

Rîrîa andû a îtûûra maaramûkire kîraûko tene mûthenya ûcio warûmîrîrîte, nîmeethîrîrie metha ya kîgongoona ya Baali na mûvuanano wa ngai ya Ashera irî nyomomore. Nîmacokire makîona ndegwa ya kaîrî îrî mvîvîrie metharî ya kîgongoona îrîa yatumîtwe kuo.