Atir 6:23 - ÎVUKU RÎA ÛVORO MWARO

²³ Nwatî Ngai-Mûnene nîwamwîrire atîrî, “Gîa na thayû. Tiga kûmaka. Tîûkua.”

Atir 6:23 ပူးပေါင်းရင်းမြစ်များ

Kîam 32:30

Jakovu nîwaugire atîrî, “Nie nîmonanîte na Ngai ûthiû kwa ûthiû, na nîrî wa mwoyo.” Kwoguo Jakovu nîwetire vandû vau Penieli.

Kîam 32:31

Riûa nîrîarathire Jakovu arî njîrarî aumîte Penieli, na nîwathuaga nîûndû ngunguro yake yarî mvenûku.

Kîam 43:23

Ndungata îo nîyamerire atîrî, “Tigani gûtangîka kana kwîgua guoya. Ngai wenyu, na nîke Ngai wa îthe wenyu, nwanginya ethîrwe nîke wamwîkîrîre mbeca nguniarî cienyu. Nie nînaamûkîre kîveo kîenyu.” Josefu nîwacokire akîrete Simioni kûrî o.

Thaburi 85:8

Tiga mbîgue ûrîa Ngai-Mûnene Ngai akuga; nîûndû nîarerîra andû ake thayû, ethîrwa matigûcoka gwîka maûndû ma ûrimû rîngî.

Danieli 10:19

Nîwambîrire atîrî, “We mûndû ûyû, Ngai nî mûkwendu mûno, ndûgetigîre! Gîa na thayû, gîa na vinya na ûmîrîrie!” Na rîrîa aambîrire ûguo, nînaagîre na vinya na ngiuga atîrî, “Mwathi wakwa, rîu mbîra ûrîa ûkwenda, nîûndû nîwambîkîra vinya.”

Johana 14:27

“Thayû nîguo nie nîramûtigîra; nî thayû wakwa nîramûva. Nie ndiramûva thayû wîkariî ta ûrîa ûvecanagwa nî nthî. Tigani gûtangîka ngororî cienyu kana mûgîe na guoya.

Johana 20:19

Jumaviri wa îo kîvwaî arutwa nîmaagomanîte vamwe nyomba ndaarî mevingîrîte nîûndû nîmeetigagîra anene a Ayahudi. Nake Jesû nîwamaumîrîre na akîmeera atîrî, “Gîani na thayû.”

Johana 20:26

Vuva wa kiumia kîmwe arutwa nîmaagomanîte vamwe rîngî ndaarî ya nyomba na Toma aarî vamwe nao. Mîrango yarî mîvinge, nwatî Jesû nîwamaumîrîre na akîmeera atîrî, “Gîani na thayû.”

Aroma 1:7

Kwoguo nîramwandîkîra maarûa îno muonthe arîa mûtwîre Roma, mue arîa mwendetwe nî Ngai na mwîtîtwe mûtuîke andû ake. Wega na thayû wa Ngai Îthe wetû na wa Mwathani Jesû Kristû irogîa namue.

Atir 19:20

Mûthuuri ûcio nîwaugire atîrî, “Tûthiîni gwakwa mûciî! Nîngûmûtethia na indo cionthe irîa mûngîenda. Mûtikarare ava kîvarorî.”

Atir 6:22

Gideoni nîwamenyire atî nî mûraika wa Ngai-Mûnene oonete, na nîwaugire arî na guoya atîrî, “Ûûi, Mwathani Ngai-Mûnene! Nîneyonera Mûraika waku na metho makwa!”

Atir 6:24

Gideoni nîwatumîre Ngai-Mûnene metha ya kîgongoona vau, na akîmîtuîra rîîtwa, “Ngai-Mûnene nî thayû.” Metha îo ya kîgongoona îtwîre kûu îtûûrarî rîa Ofira kwa mbarî ya Abiezeri.