Atir 6:13 - ÎVUKU RÎA ÛVORO MWARO

¹³ Nake Gideoni nîwamwîrire atîrî, “We Mwathi wakwa, ethîrwa Ngai-Mûnene arî vamwe natue rî, nîndûî gîtûmîte maûndû ta mama monthe mekîke kûrî tue? Namo maûndû ma kûgegania marî kû, marîa methe metû maatwîraga ûvoro wamo rîrîa maaugaga ûrîa Ngai-Mûnene aamarutire Misiri? Nwatî rîu Ngai-Mûnene nîatûtiganîrîtie na agatûrekereria kûrî Amidiani.”

Atir 6:13 ပူးပေါင်းရင်းမြစ်များ

Kîam 25:22

Îvu rîu rîarî rîa mathatha, na mbere ya aciara, ciana icio nîciagianaga. Rebeka nîweyûragia gîtûmi Kîam ûndû ûcio wîkîke. Kwoguo nîwathiîre kûrî Ngai-Mûnene kûmûria gîtûmi Kîam ûndû ûcio.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

Thaburi 27:9

ndûkandiganîrie!” Ndûkarakare nînie, ndûkandiganîrie nie ndungata yaku. We nîwe ûtûûraga wî ûtethio wakwa, ndûkandiganîrie, ndûkariganîrwe nînie, we Ngai, mûvonokia wakwa!

Thaburi 44:1

Tue nîtwîguîte na matû metû, we Ngai, methe metû nîmatwîrîte, maûndû marîa wekire vîndî yao, marîa wekire vîndî ya tene:

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 44:9

Nwatî rîu nîûtûtiganîrîtie na ûgatûma tûvootwe; nîûtigîte kûthiîcania na athigari etû a mbaara.

Thaburi 89:49

Mwathani, wendo waku ûtathiraga ûrîa warî naguo mbere, ûrîa werîre Daudi na mwîvîtwa ûrî kû?

Isaia 41:17

“Rîrîa athîni na avatari maracaria manjî matakûmona, na rîrîa mîmero yao îrî mîng'arûku nî kûnyonda, nînie Ngai-Mûnene ngaamacokeria, nie Ngai wa Isiraeli ndikaamatiganîria.

Isaia 63:11

Nwatî nîmaacokire makîririkana mavinda ma tene, mavinda ma Musa, ndungata ya Ngai-Mûnene na makîûria atîrî, “Nîkwa ûrîa wavonokirie atongoria a andû ake kuuma îriarî arî kû? Ûrîa warekirie roho wake mûtheru gatagatîrî kao arî kû?

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Jeremia 23:33

Ngai-Mûnene aambîrire atîrî, “Mûrathi kana mûthînjîri-Ngai, kana mûndû ûmwe wa andû aya angîgakûûria atî, ‘Ndûmîrîri ndito ya Ngai-Mûnene nî ndûî?’ Nîûkaamûcokeria atî, ‘Mue nîmue mûrigo kûrî Ngai-Mûnene nake nîakûmûtecanîria.’

Aroma 8:31

Nîtuga atîa îgûrû rîa maûndû mama? Ethîrwa Ngai arî mwena wetû, nû ûngîtûtuma ûthû?

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Atir 6:1

Andû a Isiraeli nîmeevîrie Ngai-Mûnene rîngî. Kwoguo Ngai-Mûnene nîwamarekererie wathanirî wa andû a Midiani îvinda rîa mîaka mûgwanja.

Atir 6:12

Mûraika wa Ngai-Mûnene nîwamumîrîre arî vau na akîmwîra atîrî, “Ngai-Mûnene arî nawe, njamba îno îrî vinya.”