Atir 5:31 - ÎVUKU RÎA ÛVORO MWARO

³¹ Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.

Atir 5:31 ပူးပေါင်းရင်းမြစ်များ

2Sam 18:31

Vîndî wa îo, Mûethiopia ûrîa warî ngombo nîwakinyire na akîra mûthamaki atîrî, “Mwathi wakwa Mûthamaki, nîrî na ûvoro mwaro nakûretere! Naguo nî atî, ûmûnthî Ngai-Mûnene nîatûmîte ûvoote nthû ciaku cionthe.”

2Sam 18:32

Mûthamaki nîwaûririe atîrî, “Mwanake ûrîa wîtagwa Abusalomu nwa mwaro?” Nayo ngombo îo nîyamûcokerie atîrî, “Mwathi wakwa mûthamaki, nthû ciaku cionthe wana arîa mareganaga nawe makîenda gûgwîka maûndû macûku maroekwa ta ûguo Abusalomu ekîtwe ûmûnthî.”

2Sam 23:4

ethagîrwa ekariî ta riûa rîkîara kîraûko tene rîrîa gûtarî na matu, riûa rîrîa rîtûmaga nyaki îmere mbura yaura.”

Thaburi 19:6

Riumagîrîra mûthiiarî ûmwe wa îgûrû na rîkavîtûkania nginya mûthiia ûcio wîngî. Gûtirî kîndû kîngîîthitha kuuma kûrî ûrugarî wa riûa.

Thaburi 20:8

Andû ta acio nîmakaavîngwa na magwe, nwatî tue nî tûgaûkîra na tûrûngame twîkindîrîtie.

Thaburi 37:6

Nîagaatûma ûthingu waku ûkenge ta ûtheri, na wega waku ta riûa rîarîte mûthenya.

Thaburi 89:36

Njiarwa ciake igaatûûra tene na tene, na ûthamaki wake ûtûûre ta riûa.

Thaburi 89:37

Ûthamaki wake nîûtûûra tene na tene ta mweri, ta ûrîa mweri ûtûûraga wîvandîte îgûrû.”

Thaburi 91:14

Ngai augîte atîrî, “Nîngaavonokia mûndû wa wonthe ûmendete; nîngaagitîra mûndû ûrîa ûmbicî.

Thaburi 92:10

Nwatî nîûtûmîte ngîe na vinya ta mbogo, na nîûmbîtîrîrîtie maguta ma kûnjanjamûra.

Thaburi 92:9

Nama, we Ngai-Mûnene nthû ciaku nîigaakua, andû arîa mekaga maûndû macûku nîmakaanyagania!

Thaburi 97:10

Ngai-Mûnene nîendete andû arîa mathûrîte maûndû macûku, nîamenyagîrîra ûtûûro wa andû ake, nîamavonokagia kuuma kûrî andû arîa aganu.

Thaburi 97:8

Andû a Zayuni nîakenu; andû onthe a Juda nî marakûngûîra, nîûndû wa ûrîa, we Ngai-Mûnene ûtucanagîra ciira.

Ntha 20:6

Nîmonanagia wendo ûtathiraga kûrî andû ngiri nyîngî arîa mamendete na megucaga maathani makwa.

Nthi 4:18

Nwatî njîra ya andû arîa athingu îkariî ta riûa rîkîratha, rîrîa rîaraga na rîkathiî na mbere kwongerera ûtheri nginya mûthenya gatagatî.

Danieli 12:3

Andû arîa aûgî magaakenga ta ûtheri wa îgûrû, nao arîa mekaga ciîko cia ûthingu nî magaakenga ta njata tene na tene.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Mathaayo 13:43

Nao andû arîa athingu nao nîmagaakenga ta riûa marî ûthamakirî wa Îthe wao. Mûndû wa wonthe ûrî na matû ma kwîgua nîegue!”

Aroma 8:28

Tue nîtwîcî atî maûndûrî monthe Ngai nî arutaga wîra nîûndû wa wagîrîru wa arîa mamwendete. Andû acio nî arîa ke etîte kûringana na wendi wake.

1Akor 8:3

Nwatî Ngai nîwîcî mûndû wa wonthe ûmwendete.

Aefeso 6:24

Wega wa Ngai ûrekara na arîa onthe mendete Mwathani wetû Jesû Kristû marî na wendani ûrîa ûtathiraga.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Gûco 7:9

Menyani nama atî Ngai-Mûnene, Ngai wenyu nîke Ngai, na nî mwîvokeku. Ke nîavingagia kîrîkanîro gîake na arî wendo ûtathiraga, kûrî njiarwa ngiri cia andû arîa mamwendete na mavingagia maathani make.

Jakuvu 1:12

Kûrathimwa nî andû arîa maûmagîrîria magerio, nîûndû mavootana mageriorî ta mau nîmakaanyita nthûmbî ya mwoyo îrîa Ngai erîîre andû arîa mamwendete.

Jakuvu 2:5

Tathikîrîriani arata akwa ende! Ngai aathuurire andû arîa athîni gûkû nthî nîguo matuîke itonga cia wîtîkio na magae ûthamaki ûrîa Ngai erîîre arîa mamwendete.

1Pet 1:8

Mue mûtianona Kristû, nwatî nîmûmwendete. Mue rîu mûtiramwona, nwatî nîmûmwîtîkîtie. Kwoguo nîmûkenaga gîkeno kînene mûno na gîtangîgweteka na ciugo,

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

Atir 3:11

Nîkwagîre thayû vûrûrirî îvinda rîa mîaka mîrongo îna, nake Othinieli agîcoka agîkua.

Atir 3:30

Mûthenya ûcio Aisiraeli nîmaavootire Amoabu na nîkwagîre thayû vûrûrirî îvinda rîa mîaka mîrongo înana.