Atir 5:18 - ÎVUKU RÎA ÛVORO MWARO

¹⁸ Andû a Zebuluni na Nafutali nîo meevirire ûgwatirî wa gîkuû marî mbaararî.

Atir 5:18 ပူးပေါင်းရင်းမြစ်များ

Kîam 35:23

Avîcî a Lea maarî: Reubeni (îrikithathi rîa Jakovu), Simeoni, Lawi, Juda, Isakaru, na Zebuluni.

Kîam 35:25

Avîcî a Biliha, ndungata ya Rakeli ya mûndûmûka maarî Dani na Nafutali.

Esita 4:16

“Thiî ûnganie Ayahudi onthe arîa marî kûu Susa, mwînyerekie na mûvoe. Mûtikarîe kana mûnyua kîndû îvinda rîa mîthenya îthatû, ûtukû na mûthenya. Nie vamwe na ndungata ciakwa tûkethîrwa tûkînyerekia wata mue. Nîngaacoka nthiî kûrî mûthamaki wana ethîrwa tîguo watho wîtîkîrîtie. Ethîrwa nî kûragwa nîngaaûragwa.”

Thaburi 68:27

Andû a mbere nî Benjamini, mûvîrîga ûrîa mûnini viû, marûmîrîrîtwe nî atongoria a Juda na andû ao, marûmîrîrwe nî atongoria a Zebuluni na a Nafutali.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.

Atir 4:10

Baraki nîwacokanîrîrie andû a mîvîrîga ya Zebuluni na Nafutali kûu Kadeshi na arûme ngiri îkûmi nîmaamûrûmîrîre wana Debora nîmaathiîre nake.

Atir 4:14

Debora nîwacokire akîra Baraki atîrî, “Thiî! Ngai-Mûnene nîagûgûtongoria! Ûmûnthî nîagûkûvotithia kûvoota Sisera.” Kwoguo Baraki nîwaumire kîrîmarî gîa Taboru arûmîrîrîtwe nî andû acio ngiri îkûmi.

Atir 4:6

Nîwatûmanire Baraki mûvîcî wa Abinoamu wa îtûûra rîa Kadeshi vûrûrirî wa Nafutali na akîmwîra atîrî, “Ngai-Mûnene, Ngai wa Isiraeli akwathîte atîrî, ‘Thiî woce arûme ngiri îkûmi kuuma mîvîrîgarî ya Nafutali na Zebuluni na ûmatongorie mûthiî kîrîmarî gîa Taboru.

Atir 6:35

Nîwatûmire anjaama mathiî vûrûrirî wonthe wa Manase. Nao nîmaaûnganire vamwe na makîmûrûmîrîra. Nîwatûmire anjaama kûrî andû a mîvîrîga ya Asheri, Zebuluni, na Nafutali, nao nîmaathiîre kûmûtûnga.