Atir 4:13 - ÎVUKU RÎA ÛVORO MWARO

¹³ nîwaûnganirie ikaari ciake magana kenda (900) cia mbaara cia cuuma, na andû onthe arîa maarî nake maume Haroshethu-hagoimu mathiî rûnjîrî rwa Kishoni.

Atir 4:13 ပူးပေါင်းရင်းမြစ်များ

1Atha 18:40

Elija nîwathire andû acio atîrî, “Nyitani arathi a Baali; na mûtikareke wanarî ûmwe wao aûra!” Nao andû nîmaanyitire arathi onthe a Baali, na Elija nîwaugire manyûrûrûkue karûnjîrî ga Kishoni na akîmaûragîra vo.

Josh 17:16

Nacio njiarwa cia Josefu nîciacokerie Joshua atîrî, “Vûrûri ûrîa ûrî irîma tî mûnene wa gûtwîgana. Nwatî vûrûri ûrîa mwaraganu wa Bethi Sheani na matûûra marîa maûthiûrûrûkîrîtie na Kîamnda Kîam Jezireeli gûtûûraga Akanaani. Andû acio marî na ikaari cia mbarathi cia cuuma.”

Atir 1:19

Ngai-Mûnene nîwavotithirie andû a Juda kûnyita vûrûri ûrîa ûrî irîmarî, nwatî matiavota kûvoota andû arîa maatûûraga kûndû kûrîa kwaraganu nîûndû maarî na ikaari cia mbaara cia cuuma.

Atir 4:12

Rîrîa Sisera aamenyire atî Baraki mûvîcî wa Abinoamu nîmûthiîu kîrîmarî gîa Taboru,

Atir 4:7

Nanie nîngaatûma Sisera mûnene wa athigari a Jabini aûke mûrûîre nake vau rûnjîrî rwa Kishoni. Nîagaaûka na ikaari ciake cia mbaara na athigari ake, nwatî ngaatûma mûmûvoote.’ ”

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.