Atir 3:7 - ÎVUKU RÎA ÛVORO MWARO

⁷ Aisiraeli nîmeekire maûndû macûku mbere ya Ngai-Mûnene. Nîmaariganîrwe nîke na magîtungatîra ngai cia mîvuanano cia Baali na Asherothu.

Atir 3:7 ပူးပေါင်းရင်းမြစ်များ

1Atha 16:33

Nîwacokire akîrûtha Ashera, mûvuanano wa ngai ya nga. Ahabu nîwarakaririe Ngai-Mûnene, Ngai wa Isiraeli makîria ya andû onthe arîa maarî athamaki a Isiraeli mbere yake.

1Atha 18:19

Rîu athana andû onthe a Isiraeli magomane kîrîmarî gîa Karimeli tûcemanie nao kuo. Mûke na arathi magana mana ma mîrongo îtano (450) a Baali na arathi magana mana (400) a Ashera, ngai ya nga, arîa marîcanagîra na Jezebeli.”

2Atha 23:14

Nîwaunangire itugî cia kûgoocwa cia ngai cia mîvuanano na agîtemanga mîvuanano ya ngai ya nga ya Ashera, agîcoka agîcûria varîa ngai cia mîvuanano îo ciarî na mavîndî ma andû akuû.

2Atha 23:6

Nîwarutire mûvuanano wa ngai ya nga ya Ashera hekarûrî ya Ngai-Mûnene na akîmîvira nja ya îtûûra rîa Jerusalemu nginya karûnjîrî ga Kidironi na akîûvîvîria vo. Nîwaûthîire nginya ûgîtuîka rûkûngû na akîûnyagia mbîrîrarî kûrîa kwathikagwa andû onthe.

2Maû 15:16

Mûthamaki Asa nîwathengutirie ng'ina Maaka gîtîrî Kîam ûnene Kîam mûndûmûka mûthamaki, nîûndû nîwarûthîte mûvuanano wa Ashera, ngai ya mûndûmûka. Asa nîwatemire mûvuanano ûcio wa Ashera na ûkîgwa, akîunanga tûcunjî na akîûvîvîria karûnjîrî ga Kidironi.

2Maû 24:18

Andû nîmaatiganîrie hekarû ya Ngai-Mûnene, Ngai wa methe mao na makîambîrîria kûgooca Ashera, ngai ya mûndûmûka na mîvuanano yake. Ngai-Mûnene nîwarakarire nî andû a Juda na a Jerusalemu nîûndû wa mevia mau.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:3

Nîwatumire rîngî kûndû gwa kûgoocagîrwa ngai cia mîvuanano kûrîa îthe, Hezekia oomomorete. Nîwatumire metha cia magongoona cia Baali, akîrûtha mîvuanano ya Ashera, ngai ya mûndûmûka na akîgooca ciûmbe cionthe cia îgûrû.

2Maû 34:3

Mwakarî wa kanana (8) kuuma Josia atuîka mûthamaki wa Juda, vîndî wa îo arî mwanake, nîwambîrîrie kûgooca Ngai wa îthe Daudi. Mwakarî wa îkûmi na îîrî (12) Josia arî mûthamaki, nîwambîrîrie gûcûkangia kûrîa kwagoocagîrwa mîvuanano, Ashera, ngai ya mûndûmûka na mîvuanano îrîa îngî yonthe kûu Juda na Jerusalemu.

2Maû 34:7

Nîwaunangire metha cia magongoona na mîvuanano ya Ashera na akîithîa igîtuîka mûtutu. Nîwacokire agîtemanga metha cia magongoona cia kûvîvîrua ûbani vûrûrirî wonthe wa Isiraeli na agîcoka Jerusalemu.

Thaburi 106:35

Nwatî nîmaanyitanîre na andû a ndûrîrî, na makîambîrîria gwîka tao.

Thaburi 106:36

Nîmaagoocire mîvuanano ya ngai ciao, na ûndû ûcio nîguo watuîkire mûtego wa kûmathiria.

Thaburi 106:7

Rîrîa methe metû maarî Misiri, matiataûkîrwa nî ciîko cia magegania irîa Ngai eekire, matiaririkana ûrîa aamoonirie wendo ûtathiraga maita meengî, nwatî nîmaareganire na ûrîa ûrî Îgûrû Mûno marî îriarî îtune.

Ntha 34:13

Îthenya rîa ûguo, nîmûkaatharia metha ciao cia magongoona na munange itugî na mîvuano Ashera, ngai yao ya mûndûmûka.

Jeremia 23:27

Na njîra ya iroto icio ciao mavangîte ûrîa mangîtûma andû akwa mariganîrwe nînie wata ûrîa methe mao ma tene maariganîrwe nî nie, makîrûmîrîra Baali.

Gûco 16:21

“Watumîra Ngai-Mûnene Ngai wenyu metha ya kîgongoona, ndûkaarûthe mûvuanano wa ngai ya Ashera mwenarî wayo.

Gûco 4:9

Îîmenyagîrîreni na mûtikariganîrwe nî maûndû marîa mwîyonerete na metho menyu; maririkanageni ûtûûrorî wenyu wonthe. Mamenyithanagieni kûrî ciana cienyu na kûrî ciana cia ciana cienyu.

Gûco 8:11

“Îîmenyerereni mûtikariganîrwe nî Ngai-Mûnene, Ngai wenyu. Mûtikarege kwathîkîra maathani, matuîro ma ciira na mawatho make marîa ngûmûva ûmûnthî.

Gûco 8:14

menyererani mûtigetîîe mûriganîrwa nî Ngai-Mûnene, Ngai wenyu, ûrîa wamûrutire vûrûri wa Misiri kûrîa mwarî ûkomborî.

Gûco 8:18

Ririkanani atî nî Ngai-Mûnene, Ngai wenyu ûvecanaga ûvoti wa gûtonga. Ekaga ûguo nîguo avingie maûndû marîa aarîkanîre na methe menyu wata ûrîa gwîkariî ûmûnthî.

Atir 3:12

Aisiraeli nîmeekire maûndû macûku mbere ya Ngai-Mûnene rîngî. Nîûndû wa ûguo, Ngai-Mûnene nîwatûmire Egiloni mûthamaki wa Moabu agîe vinya gûkîra Aisiraeli.

Atir 3:8

Kwoguo Ngai-Mûnene nîwarakarirue nî Aisiraeli na agîtûma mûthamaki Kushani-rishathaimu wa Mesopotamia amavoote. Nao andû a Isiraeli nîmaamatungatîre îvinda rîa mîaka înana.

Atir 6:25

Ûtukû ûcio Ngai-Mûnene nîwerire Gideoni atîrî, “Oca ndegwa ya aguo na ndegwa îngî ya ûkûrû wa mîaka mûgwanja. Womomore metha ya aguo ya kîgongoona Kîam Baali na ûtemange mûvuanano wa ngai ya Ashera ûcio ûrî vakuvî nayo.

Atir 8:33

Gideoni arîkia gûkua, andû a Isiraeli nîmaatigire kwîvoka Ngai rîngî na makîambîrîria kûgooca Baali. Nîmaatuire Baali-berithu ngai yao.

Atir 8:34

Andû a Isiraeli matiacoka kûririkana Ngai-Mûnene, Ngai wao, ûrîa wamavonoketie kuuma kûrî nthû ciao cionthe irîa ciamathiûrûrûkîrîtie mîena yonthe.

1Sam 12:10

Namo methe menyu ma tene nîmaathaithire Ngai-Mûnene amatethie makiugaga atîrî, “Nîtwîvîtie nîûndû tue nîtwagûtiganîrie we, Ngai-Mûnene na tûgîtungatîra ngai cia mîvuanano cia Baali na Ashitarothu, nwatî rîu tûvonokie kuuma kûrî nthû cietû na tûgagûtungatagîra!

1Sam 12:9

Nwatî andû nîmaariganîrwe nî Ngai-Mûnene, Ngai wao, na kwoguo Ngai-Mûnene nîwarekererie Afilisiti, mûthamaki wa Moabu, Sisera ûrîa watongoragia athigari a îtûûra rîa Hazoru nîguo marûe na methe menyu ma tene na mamavoote.