Atir 3:21 - ÎVUKU RÎA ÛVORO MWARO

²¹ Ehudi nîwacomorire rûviû na njara yake ya ûmotho kuuma varîa rwarî mwena wake wa ûrîo na akîmunda mûthamaki îvu naruo.

Atir 3:21 ပူးပေါင်းရင်းမြစ်များ

Ayubu 20:25

Mûguî ûkamûratha ûtûrîkanie mwîrî wake, nako kamûthiia ka guo karîa kavenavenagia kaumîrîre îtemoorî, ona ûguo agecûrwa nî kîmako.

Zakaria 13:3

Kûngîkaaumîra rîngî mûndû ûkaaratha maûndû, îthe na ng'ina arîa maamûciarire nîmakaamwîra atî, ‘We nîûgûkua nîûndû nîwarîtie maveeni rîîtwarî rîa Ngai-Mûnene.’ Angîkaaratha maûndû, îthe na ng'ina nîmakaamûmunda na kaviû mamûrage.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Atir 3:16

Ehudi nîweturithîtie rûviû rwa njûra rûarî rûûgî mîena yoîrî na rûarî na ûraca wa cendimita mîrongo îtano. Ethagîrwa arûovererete kîûnûrî gîake mwena wa ûrîo rungu rwa nguo ciake.

Atir 3:20

Ehudi nîwacokire akîthiî kûrî mûthamaki nyombarî ya îgûrû îrîa aarî arî wenga kûrîa aanogokaga vîndî ya ûrugarî. Nîwacokire akîmwîra atîrî, “Nîrî na ndûmîrîri yaku kuuma kûrî Ngai.” Nake mûthamaki nîwarûngamire.

Atir 3:22

Rûviû nîrwatonyire îvurî ruonthe vamwe na mûtumbî waruo, na rûgîkunîkwa nî maguta. Nîrwaumîrîre mwena ûcio wîngî na Ehudi ndaarûcomora kuuma îvurî rîa mûthamaki Egiloni.

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.