Atir 3:16 - ÎVUKU RÎA ÛVORO MWARO

¹⁶ Ehudi nîweturithîtie rûviû rwa njûra rûarî rûûgî mîena yoîrî na rûarî na ûraca wa cendimita mîrongo îtano. Ethagîrwa arûovererete kîûnûrî gîake mwena wa ûrîo rungu rwa nguo ciake.

Atir 3:16 ပူးပေါင်းရင်းမြစ်များ

2Sam 20:8

Rîrîa maakinyire îthigarî rîrîa înene rîrîa rîarî Gibeoni, Amasa nîwathiîre kûmatûnga. Joabu eekîrîte nguo cia mbaara na aarî na rûviû rûrî njûrarî arûovererete mûcivirî wake. Joabu athiîte, rûviû rwake nîrwagûîre nthî.

Thaburi 149:6

Nîmakumie Ngai maugîrîrîtie, manyitîte mviû cia njûra na njara.

Thaburi 45:3

Îyove rûviû rwaku njovero, we mûthamaki njamba; we wî mûthamaki mûnene na ûrî riiri.

Rwîmbo rwa Nyîmbo 3:8

Onthe nî maicî kûrûa na mviû, na nî andû maicî kûrûa mbaara. Wa mûndû anyitîte rûviû rwake, nîûndû wa thîna ûrîa ûngîûka ûtukû.

Ahib 4:12

Kiugo Kîam Ngai kîrî mwoyo nîkîrutaga wîra na nî kîûgî gûkîra rûviû rûrîa rûnoore mîena îîrî. Nîgîtemaga nginya varîa ngoro na mwoyo inyitanîrîte, na gîgatema gatagatîrî ka marûngo wana gatagatî ka mavîndî. Na nîkîvotaga gûtuîria na kûmenya meciria na merirîria ma ngoro cietû.

Kûguû 1:16

Mûndû ûcio aanyitîte njata mûgwanja na njara yake ya ûrîo, na kanyuarî gake gûkauma rûviû rûûgî rûnooretwe mîena yoîrî. Ûthiû wake wekariî ta riûa rîarîte thaa thita cia mûthenya.

Kûguû 2:12

“Andîka kûrî mûraika wa kanitha ûrîa ûrî Perigamoni atîrî: “Îno nîyo ndûmîrîri kuuma kûrî ûrîa ûrî na rûviû rûûgî mîena yoîrî.

Atir 3:15

Nwatî rîrîa Aisiraeli maarîrîre Ngai-Mûnene, Ngai-Mûnene nîwamatûmîre mûndû wetagwa Ehudi nîguo amavonokie. Ehudi aarî mûvîcî wa Gera, Mûbenjamini na aarî wa njara ya ûmotho. Andû a Isiraeli nîmaanenganîre iveo kûrî Ehudi nîguo avirîre Egiloni mûthamaki wa Moabu.

Atir 3:17

Nîwacokire akîvirîra mûthamaki Egiloni iveo. Egiloni aarî mûndû mûnoru mûno.

Atir 3:21

Ehudi nîwacomorire rûviû na njara yake ya ûmotho kuuma varîa rwarî mwena wake wa ûrîo na akîmunda mûthamaki îvu naruo.