Atir 3:12 - ÎVUKU RÎA ÛVORO MWARO

¹² Aisiraeli nîmeekire maûndû macûku mbere ya Ngai-Mûnene rîngî. Nîûndû wa ûguo, Ngai-Mûnene nîwatûmire Egiloni mûthamaki wa Moabu agîe vinya gûkîra Aisiraeli.

Atir 3:12 ပူးပေါင်းရင်းမြစ်များ

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

Ntha 9:16

Nwatî nie nîndûmîte ûtûûre nîguo wone ûvoti wakwa nayo ngumo yakwa îtambe nthî yonthe.

Isaia 10:15

Îthanwa nwa rîtîîre mûndû ûrîa ûrarîtûmîra? Mûcumano nwa wîneneverie mûndû ûrîa ûtinagia naguo? Nîkwa rûthanju rûngîambararia mûndû ûrîa ûrûkagîrîria, kana mûragi ûkîrîrie mûndû ûrîa ûûtûmagîra!”

Isaia 37:26

“Senakeribu nîkwa ûteguîte atî naavangire ûndû ûyû kuuma tene? Ûrîa nîreka rîu naaûvangire kuuma tene. Nakûveere vinya wa kwomomora matûûra marîa mairigîre matuîke maganjo.

Ezek 38:16

Nîûkaatharîkîra andû akwa a Isiraeli ta ûrîa îtu rîkunîkagîra vûrûri. Vîndî îo nîngaakûrete ûtharîkîre vûrûri wakwa nîguo mavûrûri mamenye atî nîngûvûthîrîte we Gogu nîguo monanie ûtheru wakwa mbere yao.

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Danieli 5:18

We mûthamaki, Ngai ûrîa ûrî Îgûrû Mûno nîwatwire aguo, Nebukadinezarû mûthamaki mûnene, ûrî na riiri na gîtîîo.

Hosea 6:4

Nîmbîka atîa nawe, we Efiraimu? Nîmbîka atîa nawe, we Juda? Wendo wenyu kûrî nie nîta îtu rîa kîraûko, nîta îme rîrîa rîthiraga narua.

Johana 19:11

Nake Jesû nîwamûcokerie atîrî, “We ndûrî na ûvoti wa kûmbîka wanarî ûndû ethîrwa ûvoti ûcio ndûvetwe guo nî Ngai. Kwoguo mûndû ûrîa ûmindire kûrî we arî na wîvia mûnene makîria.”

Atir 2:11

Andû a Isiraeli nîmeekire maûndû macûku mbere ya Ngai-Mûnene na njîra ya gûtungatîra Baali.

Atir 2:14

Kwoguo Ngai-Mûnene nîwarakarire nîûndû wa Aisiraeli na akîmarekereria kûrî nthû, nacio nîciaîire indo ciao. Nîwarekererie nthû cionthe irîa ciamathiûrûrûkîrîtie imavoote, na Aisiraeli matingîavotire kwîgitîra.

Atir 2:19

Nwatî rîrîa mûtongoria akua, andû nîmaacokaga gwîka maûndû macûku wana gûkîra marîa methe ma tene meekaga. Nîmaatungatagîra ngai cia mîvuanano na makenamagîrîria mothiû mao mbere yacio makîigoocaga. Nîmaathiîcaga na mbere gwîka maûndû macûku na matiatiganîria mîtugo yao mîcûku.

Atir 3:11

Nîkwagîre thayû vûrûrirî îvinda rîa mîaka mîrongo îna, nake Othinieli agîcoka agîkua.

1Sam 12:9

Nwatî andû nîmaariganîrwe nî Ngai-Mûnene, Ngai wao, na kwoguo Ngai-Mûnene nîwarekererie Afilisiti, mûthamaki wa Moabu, Sisera ûrîa watongoragia athigari a îtûûra rîa Hazoru nîguo marûe na methe menyu ma tene na mamavoote.