Atir 3:11 - ÎVUKU RÎA ÛVORO MWARO

¹¹ Nîkwagîre thayû vûrûrirî îvinda rîa mîaka mîrongo îna, nake Othinieli agîcoka agîkua.

Atir 3:11 ပူးပေါင်းရင်းမြစ်များ

1Maû 4:13

Avîcî a Kenazi maarî: Othinieli na Seraia. Nao avîcî a Othinieli maarî: Hathathi na Meonothai.

Nehemia 9:28

Rîrîa maagîre na thayû nîmeevirie rîngî, nawe nîwamatiganîrie nîguo maathwe nî nthû ciao. Nwatî rîrîa maaverire na magîkûrîrîra nîwamegwire ûrî îgûrû. Na mavinda meengî nîwamavonokirie nîûndû wa ûrîa ntha ciaku ciîngîvîte.

Esita 9:22

Mîthenya îno nî îrîa Ayahudi maavootire nthû ciao. Kûrî Ayahudi mûthenya ûyû wagarûrûkîte ûgatuîka wa gûkûngûîra, îthenya rîa kîeva na gûcakaya. Nîmerirwe maririkanage mîthenya îno na kîrugo gîa kûrîa makenete, makîvecanaga iveo cia mîthemba ya irio kûrî mûndû na ûrîa wîngî wana kûva athîni.

Josh 11:23

Kwoguo Joshua nîwanyitire vûrûri wonthe kûringana na ûrîa Ngai-Mûnene aathîte Musa. Nake Joshua nîwavere andû a Isiraeli vûrûri ûcio ûtuîke wao na nîwaûgaanirie icunjî kûringana na mîvîrîga ya andû a Isiraeli. Nao andû a Isiraeli magîtiga kûrûa.

Josh 15:17

Othinieli mûvîcî wa Kenazi mûrwang'ina na Kalebu nîwanyitire îtûûra rîa Kiriathi-seferi. Kwoguo Kalebu Nîwamûvere Akisa atuîke mûka.

Atir 3:10

Othinieli nîwecûrirwe nî Roho wa Ngai-Mûnene na agîtuîka mûtongoria wa andû a Isiraeli. Nîwathiîre mbaararî na Ngai-Mûnene akîmûvotithia kûvoota mûthamaki Kushani Rishathaimu wa Mesopotamia.

Atir 3:12

Aisiraeli nîmeekire maûndû macûku mbere ya Ngai-Mûnene rîngî. Nîûndû wa ûguo, Ngai-Mûnene nîwatûmire Egiloni mûthamaki wa Moabu agîe vinya gûkîra Aisiraeli.

Atir 3:30

Mûthenya ûcio Aisiraeli nîmaavootire Amoabu na nîkwagîre thayû vûrûrirî îvinda rîa mîaka mîrongo înana.

Atir 3:9

Nwatî rîrîa Aisiraeli maavoire Ngai-Mûnene, nîwamatûmîre mûndû wetagwa Othinieli nîguo amavonokie. Othinieli aarî mûvîcî wa Kenazi. Kenazi nîke warî mûrwang'ina ûrîa mûnini wa Kalebu.

Atir 5:31

Ngai-Mûnene, nthû ciaku irokua wa ûguo, nwa arata aku maroîthîrwa mekariî ta riûa rîkîratha! Naguo vûrûri ûcio nîwagîre thayû îvinda rîa mîaka mîrongo îna.

Atir 8:28

Kwoguo Amidiani nîmaavootirwe nî Aisiraeli na matiacoka kûrûa rîngî. Vûrûri nîwagîre thayû îvinda rîa mîaka mîrongo îna, nginya rîrîa Gideoni aakwire.