Atir 21:25 - ÎVUKU RÎA ÛVORO MWARO

²⁵ Vîndî îo Isiraeli gûtiarî na mûthamaki. Wa mûndû eekaga wa ûrîa oonaga kwagîrîrîte.

Atir 21:25 ပူးပေါင်းရင်းမြစ်များ

Thaburi 12:4

makiugaga atîrî, “Ciugo cietû nîcio igaatûma tûvootane, twaragia ûrîa tûkwenda na gûtirî mûndû ûngîtwatha.”

Nthi 14:12

Kûrî njîra mûndû onaga takwa îrî mbagîrîru, nwatî mûthiiarî îviraga mûndû gîkuûrî.

Nthi 3:5

Îîvoke Ngai-Mûnene na ngoro yaku yonthe, na ndûkevoke meciria maku we mwene.

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Isaia 66:3

“Andû arîa marutaga ndegwa îgongoona monaga arî ûndû ûmwe na kûruta mûndû îgongoona; arîa marutaga ng'ondu îgongoona monaga arî ûndû ûmwe na kuna ngui ngingo; arîa marutaga matega ma irio cia mûgûnda monaga arî ûndû ûmwe na kûruta îtega rîa nthakame ya ngûrwe; arîa marutaga îtega rîa ûbani monaga arî ûndû ûmwe na kûgooca mûvuanano. Andû acio methuurîrîte njîra ciao o ene, na makenaga rîrîa makûgooca Ngai na njîra itarî mbagîrîru.

Gûco 12:8

“Mûtigeeka maûndû ta ûrîa tûrameka rîu rîrîa îvinda rîu rîgaakinya, nîûndû wa mûndû areka wa ûrîa akwona kwagîrîrîte,

Atir 17:6

Vîndî îo, kûu Isiraeli gûtiarî na mûthamaki. Kwoguo wa mûndû eekaga wa ûrîa oonaga kwagîrîrîte.

Atir 18:1

Îvindarî rîu, Isiraeli gûtiarî na mûthamaki. Nao andû a mûvîrîga wa Dani nîmaacaragia vûrûri ûrîa mangîîgwatîra rîrî îgai rîao na magatûûra kuo. Meekaga ûguo nîûndû matiarî na vûrûri wao o ene gatagatîrî ka mîvîrîga ya Isiraeli.

Atir 18:7

Kwoguo arûme acio atano nî maambîrîrie rûgendo na magîkinya îtûûrarî rîa Laishi. Nîmoonire atî andû a Laishi maatûûraga ta ûrîa andû a Sidoni maatûûraga matarî na thîna, marî na thayû, matagûtetania wanarî na mûndû. Maarî na indo cionthe. Maatûûraga kûraca na andû a Sidoni na matiarî na ûndû mangîagwatanîre na arîa engî.

Atir 19:1

Vîndî îo mbere ya kûgîa na mûthamaki kûu Isiraeli, kwarî na Mûlawi ûmwe watûûraga kûndû kûraca vûrûri ûrîa ûrî irîma wa Efiraimu. Mûlawi ûcio nîwocire mûndûmûka kuuma Bethilehemu ya Juda nîguo atuîke mûka wa kwiga.

Atir 21:24

Vîndî wa îo, Aisiraeli nîmaanyaganirie na wa mûndû nîwacokire mûvîrîgarî wake, na kûrî andû a mûciî wake. Maaumire vau na makîthiî wa mûndû kûrî îgai rîake.