Atir 21:21 - ÎVUKU RÎA ÛVORO MWARO

²¹ na mwîkare mûroretie. Rîrîa erîtu a kûu Shilo makaumîra kwîinia vîndî ya kîrugo, mûkaumîra mûgûndarî wa mîthavibu na wa mûndû akenyitîra mûka vo na vinya mûkînathiî nao vûrûrirî wa Benjamini.

Atir 21:21 ပူးပေါင်းရင်းမြစ်များ

2Sam 6:14

Nake Daudi nîwainîre Ngai-Mûnene na vinya wake wonthe ekîrîte Efodi.

2Sam 6:21

Nake Daudi nîwerire Mikali atîrî, “Nîminaga ngîtîîa Ngai-Mûnene, ûrîa wanthuurire nîguo nduîke mûtongoria wa andû ake a Isiraeli vandûrî va aguo na andû a mûciî wake. Na nwa ngûthiî na mbere kwina ngîtîîa Ngai-Mûnene.

Thaburi 149:3

Kumiani rîîtwa rîake mûkîinagia, nîmamwinîre na nduramu na mîtûrirû!

Thaburi 150:4

Mûkumieni na ndarama mûkîinagia, mûkumieni na ngita na mîtûrirû,

Ntha 15:20

Nake mûndûmûka ûmwe mûrathi wetagwa Miriamu, na aarî mwarwang'ina na Aroni, nîwocire tamburini yake, nao aka acio engî nîmaamumire vuva na tamburini ciao makîinagia.

Mûvunjia 3:4

Kavinda ga kûrîra na kavinda ga gûkena, kavinda ga kîeva na kavinda ga kwîinia.

Rwîmbo rwa Nyîmbo 6:13

Coka, coka we mwarî wa Shulami, coka nîguo tûkûrorie. Mûrenda kûndoria nîkî nie mwarî wa Shulami, rîrîa ngwina nîrî gatagatî ka ikundi igîrî cia athigari?

Jeremia 31:13

Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.

Mathaayo 10:17

Îîmenyagîrîreni nîûndû andû nîmakaamûnyita na mamûvire ciamarî cia athuuri, na mamûrive mûrî mavoerorî mao.

Luka 17:25

Nwatî nwa nginya ambe athînîke mûno na aregwe nî andû a rûciaro rûrû.

Atir 11:34

Rîrîa Jefitha aacokire mûciî kûu Mizipa, mwarî nîwaumire nja na akîthiî kûmûtûnga akîinagia akîvûraga tamburini. Nîke warî mwana wake wenga, ndaarî na mwana wîngî wa kavîcî kana wa kerîtu.

Atir 21:20

Atongoria acio a gîkundi nîmeerire Aabenjamini atîrî, “Thiîni mûkethithe mîgûndarî ya mîthavibu,

1Sam 18:6

Rîrîa Daudi marî na athigari a mbaara menûkîte arîkia kûûraga Goliathu, aka nîmaaumire matûûrarî monthe ma Isiraeli na makîthiî gûtûnga Saûlo. Maathiîre makinaga na makîrûgarûgaga nîûndû wa gûkena makîvûraga tamburini na ngita cia mîthemba na mîthemba.